Qańtar aıyndaǵy ınflásıa 20 paıyzdan asty. Bul týraly Úkimet otyrysynda Ulttyq bank tóraǵasynyń orynbasary Berik Sholpanqulov aıtty, dep habarlaıdy Almaty-akshamy.kz. Azattyq Ruhy.-na silteme jasap.
«Qazaqstanda ınflásıanyń aılyq dınamıkasy 2022 jylǵy naýryz aıyndaǵy eń joǵary mánge (3,7%) jetken soń, tómendep keledi. Bıylǵy qańtarda aılyq ınflásıa birtindep 1,1%-ǵa deıin tómendedi. Buǵan qaramastan, ol ortasha jyldyq mánnen edáýir asatyn deńgeıde qalyp otyr. Jyldyq mánde ınflásıa bıylǵy qańtarda 20,7%-ǵa jetti. Jyldyq mánde 25,7%-ǵa jetken azyq-túlik baǵasynyń ósýi ınflásıanyń ósýine kóptep úles qosyp otyr», - dedi Sholpanqulov.
Onyń aıtýynsha, azyq-túlikke jatpaıtyn ınflásıa da ımport taýarlarynyń qymbattaýy men olarǵa suranystyń saqtalýyna baılanysty 20,2%-ǵa deıin jedeldedi. Aqyly qyzmetterdiń ınflásıasy 14,2%-ǵa jetti.
«Logıstıkanyń ózgerýine, joǵary ınflásıalyq kútýlerge, suranysty fıskaldyq qoldaýǵa jáne kredıt berýdiń ulǵaıýyna baılanysty ınflásıa ósýin jalǵastyryp keledi. Saqtalyp otyrǵan táýekelder bazalyq mólsherlemeni aǵymdaǵy deńgeıde ustap turýdy talap etedi», - dedi ol.