Ońtústik Koreıada bolǵan ushaq apatynyń sebebi týraly jańa málimetter jarıalandy. Bılik ókilderiniń aıtýynsha, ushqysh qustardyń toby áýe keńistiginde baıqalǵanyn habarlaǵannan eki mınýt ótken soń dıspecherlik pýnktke quspen soqtyǵysqanyn jáne tótenshe jaǵdaı bolǵanyn aıtty, dep habarlaıdy aqshamnews.kz.
Ushqysh oqıǵa oryn alǵannan keıin "aınalma manevr" jasaıtynyn, ıaǵnı birinshi qoný áreketinen bas tartyp, ekinshi qonýǵa daıyndalý úshin áýede aınalatynyn málimdegen. Alaıda, ol tolyq aınalym jasamaı, bir mınýttan keıin ushý-qoný jolaǵyna jaqyndaı bastaǵan. Odan keıin úsh mınýt ótkende ushaq beton qurylysqa soqtyǵysyp, jarylys bolǵan.
Koreıa avıasıalyq qaýipsizdik qaýymdastyǵynyń tóraǵasy Hvan Ho Von bul oqıǵaǵa qatysty: "Eń úlken suraq - nege ushqysh qonýǵa sonshalyqty asyqty?" degen pikir bildirdi.