Oqýshylar «Bes taban» jáne «Bes asyq» oıyndaryn oınaıdy, dep habarlaıdy Almaty-akshamy.kz.
Oqý-aǵartý mınıstrliginiń Tárbıe jumysy jáne qosymsha bilim berý departamentiniń málimetinshe, chellendjdiń maqsaty – bilim alýshylardy rýhanı-adamgershilik, estetıkalyq, patrıottyq baǵytta tárbıeleý, mádenı qundylyqtardy saqtaý jáne ulttyq oıyndardy dáripteý.
«Ulttyq oıyndar – adamǵa qanat bitirip, shabyttandyratyn ǵajaıyp saıystar, ol densaýlyqtyń ǵana emes, ómir úılesimdiliginiń kepili. Máselen, asyq oınaý balanyń júıke-bulshyqet júıesin shynyqtyrady, dúnıetanymyn keńeıtedi, onyń shapshań qımyldaýyna áser etedi, sondaı-aq kórý qabiletin jaqsartady.
Bul keń kólemdi respýblıkalyq aksıa elimizdiń barlyq bilim berý uıymdaryn biriktirýge, óz eli úshin, halyq qundylyǵy úshin maqtanysh sezimin qalyptastyrýǵa, qazaq halqynyń mádenıeti men tarıhyna qyzyǵýshylyqty arttyrýǵa baǵyttalǵan», - deıdi departament dırektory Merýert Medetbekova.
Chellendjge elimizdiń mıllıonnan astam oqýshysy qatysady dep kútiledi.