Almatydaǵy «Baým toǵaıynda» 50 myńnan asa aǵash pen buta bar
Mamandardyń aıtýynsha, ormandy jasyl jelektiń 10% -na zaqym kelse, 25%-y qýrap bara jatyr. 2021 jyldan beri ekojúıeni qalpyna keltirý jáne turaqty damýyn qamtamasyz etý maqsatynda 4 ınstıtýt zertteý júrgizgen. Nátıjesinde ǵalymdar 3 myńǵa jýyq aǵashty kesý týraly sheshim qabyldaǵan. Olardyń ornyna kóshet otyrǵyzylady. 1877 jyly qurylǵan toǵaıdyń jalpy aýmaǵy - 140 gektar. Ormanda 49 túrli aǵash ósedi. Onyń 7-i qylqan japyraqty jáne 42-si jumsaq japyraqty, dep habarlaıdy almaty-akshamy.kz qazaqstan.tv-ge silteme jasap.
"Negizi iriktep sanıtarlyq kesý degen bar. Olar ártúrli aýrýǵa ushyraǵan aǵashtar. Keýip ketken qurǵaq aǵashtar. Ushar bastary synǵan aǵashtar bar onyń ishinde. Jartylaı synǵan. Solardyń barlyǵy tazartylyp alynyp jatyr ornyna. Jalpy park aýmaǵyna 1100 alma aǵashy egildi. Sıvers almasy egildi. Iasenniń 70 túrin ektik. Kelesi jyly jopsar boıynsha 1000-1500 aǵash eksek dep oılap otyrmyz sol tazartylǵan jerlerge", deıdi «Medeý» memlekettik óńirlik tabıǵat parki dırektorynyń orynbasary Uzaq Jambyluly.