Osy jyldyń qańtar aıynan bastap ata-analardy pedagogıkalyq qoldaý ortalyqtarynda 64 myńnan astam sabaq ótkizildi.
Bul týraly «Órken» balalardyń ál-aýqatyn arttyrý ulttyq ǵylymı-praktıkalyq ınstıtýty málimdedi, dep habarlaıdy Almaty-akshamy.kz.
«Osy jyldyń qańtar aıynan bastap 1,7 mln-nan astam ata-ananyń qatysýymen 64 myń is-shara ótkizildi. «Ata-analardy pedagogıkalyq qoldaý ortalyǵy» jobasy ata-analarǵa ádistemelik kómek kórsetý jáne olardyń pozıtıvti ata-ana mádenıetin qalyptastyrý úshin oqý oryndarymen kúsh biriktirýi kózdelgen. Ortalyqtarda kórsetiletin turaqty psıhologıalyq qoldaý ata-analarǵa tárbıeniń tıimdi strategıalaryn damytýǵa, balalarmen qarym-qatynasty jaqsartýǵa jáne ártúrli otbasylyq máselelerdi sheshýge kómektesedi», - dep atap ótti Tárbıe jumysy jáne qosymsha bilim berý departamentiniń dırektory Merýert Medetbekova.
Aıta keteıik, 2023 jyldyń qyrkúıek aıynan bastap QR Oqý-aǵartý mınıstrliginiń bastamasymen elimizdiń barlyq bilim berý uıymynda ata-analardy pedagogıkalyq qoldaý ortalyqtary jumys isteýde.