Qazaqstandyq Saıa Qydyráli halyqaralyq IELTS emtıhanynan eń joǵary 9.0 upaı jınap, álemdik rekord jańartty. Bul týraly aqshamnews.kz saıty habarlaıdy.
Resmı derekterge sáıkes, mundaı nátıjege test tapsyrýshylardyń nebári 0,5%-y ǵana qol jetkize alady. 17 jastaǵy Saıa bul jetistikke tabandy eńbeginiń arqasynda jetken. Ol aǵylshyn tili emtıhanyna 11 jasynan bastap daıyndalyp, óz kórsetkishin 6.5-ten 9.0-ge deıin jaqsartqan.
IELTS (International English Language Testing System) – álemdegi eń bedeldi halyqaralyq aǵylshyn tili testteriniń biri. Ol tyńdaý, oqý, jazý jáne sóıleý daǵdylaryn baǵalaıdy. Saıanyń bul kórsetkishi onyń aǵylshyn tilin ana tili deńgeıinde meńgergenin dáleldeıdi.
Jas talanttyń jetistigi – Qazaqstandaǵy bilim berý júıesiniń áleýetin kórsetetin mańyzdy kórsetkish. Bul bolashaqta qazaq jastarynyń halyqaralyq deńgeıde úlken jetistikterge jete alatynyn dáleldeıdi.