Almaty ákimi Erbolat Dosaevtyń Almaly aýdanynyń turǵyndarymen kezdesýi barysynda jergilikti turǵyn jaıaý júrginshiler aımaqtaryn qoǵamdyq tamaqtaný oryndarynyń zańsyz qurylystarynan tazartýdy surady. Atap aıtqanda, ol Seıfýllın dańǵyly men Qarasaı batyr kóshesiniń qıylysyndaǵy býlvar aımaǵyndaǵy meıramhana jazǵy alań salǵanyn habarlady.
Qala basshysy osy ǵımarattyń zańdylyǵyn tekserip, sáıkestikke keltirýdi tapsyrdy.
Erbolat Dosaev Almaty qalasynyń Kásipkerlik jáne ınvestısıalar basqarmasy stıhıalyq saýdaǵa qarsy kúres jáne memlekettik qordyń jerinde zańsyz ornatylǵan stasıonarlyq emes saýda obektilerin (SSO) joıý maqsatynda olardy jappaı bólshekteý júrgizilip jatqanyn atap ótti.
Eki kúnniń ishinde 21 zańsyz nysan bólshekteldi.
Monıtorıń qorytyndysy boıynsha qala aýmaǵynda 1,2 myńnan astam saýdager óz betinshe ornalastyrylatyn stıhıalyq saýdanyń (iri bazarlardyń, saıabaqtar men alańdardyń mańynda ornalasqan) 49 jappaı jınalatyn orny anyqtaldy.
Eske salsaq, Almaty qalasy ákimdiginiń 2024 jylǵy 27 tamyzdaǵy №3/469 «Almaty qalasynyń aýmaǵynda stasıonarlyq emes saýda obektilerin ornalastyrý oryndaryn belgileý jáne bekitý týraly» Qaýlysyna sáıkes qalada 157 SSO ornalastyrý úshin 142 oryn bekitilgen. Stasıonarlyq emes saýda obektilerinde zańdy negizde qyzmetin jalǵastyrýǵa nıet bildirgen kásipkerler Almaty qalasy Kásipkerlik jáne ınvestısıalar basqarmasynyń saýda bólimine 390 21 30 tel. boıynsha júgine alady.