15 tamyzǵa deıin Almaty qalasynyń salyq tóleýshileri salyq eseptiligin – jeke tabys salyǵy boıynsha deklarasıany tapsyrýy qajet
Bul týraly Almaty qalasy Memlekettik kirister departamentiniń memlekettik qyzmetter basqarmasynyń basshysy Baqtygúl Seıtova ÓKQ brıfıńinde málimdedi, dep habarlaıdy Almaty-akshamy.kz.
«Bul «Forma 200» jáne «Forma 300» dep atalatyn – 2022 jyldyń 2 toqsanyndaǵy qosylǵan qun salyǵy boıynsha deklarasıa. Sondaı-aq 15 tamyzda shaǵyn kásipkerlik sýbektileri úshin jartyjyldyq deklarasıany tapsyrý merzimi – «910-forma» aıaqtalady. Men barlyq salyq tóleýshilerdi sońǵy kúnderi eń joǵary júktemelerge jol bermeý úshin salyq eseptiliginiń osy nysandaryn usynýǵa muqıat bolýǵa shaqyramyn. Sondaı-aq salyq eseptiligin tapsyrý merzimin uzartý úshin standartty tetikterdi paıdalanýǵa bolady», - dedi spıker.
Ol sondaı-aq 25 tamyzda «200-forma», «300-forma» jáne «910-formadaǵy» barlyq esepter boıynsha salyq tóleýdiń sońǵy merzimi ekenin eske saldy.
«Salyq tóleýshiler eń jaqyn kúnderge nazar aýdarýy kerek - bul 15 qyrkúıek. Olar salyq tóleýshilerimiz paıdalanatyn derekterdi berý fýnksıasy bar baqylaý-kassalyq mashınalardy qaıta baǵdarlamalaýǵa qatysty», - dep jalǵastyrdy spıker.
Osy kúnge deıin salyq tóleýshiler baqylaý-kassalyq mashınalaryn qaıta baǵdarlamalamasa, chek berýdi toqtatady. Al chek bermeý ákimshilik jaýapkershilikti bildiredi.