Qazaqstandyq oqýshylardyń ata-analary chattar men áleýmettik jelilerde taraǵan habarlamaǵa alańdaýda. 15 qyrkúıekten bastap elimizde maska taǵý rejımi engizilip, oqýshylar qashyqtyqtan oqýǵa jiberiledi eken. Bul jalǵan.
QR Sanıtarlyq-epıdemıologıalyq baqylaý komıteti bul aqparatqa qatysty pikir bildirdi, dep habarlaıdy aqshamnews.kz Stopfake.kz-ke silteme jasap.
«Messendjerlerde 15 qyrkúıekten bastap balalardy qashyqtan oqytýǵa jiberedi jáne mekemelerde maskamen júrý rejımi engiziledi degen aqparat shyndyqqa janaspaıdy.
Jyl saıyn epıdemıalyq maýsym kezeńinde profılaktıkalyq jáne epıdemıaǵa qarsy is-sharalardy ótkizýdi kózdeıtin QR Bas memlekettik sanıtarıalyq dárigeriniń qaýlysy bekitiledi. Qaýlyǵa sáıkes, aǵymdaǵy jyldyń 15 qyrkúıeginen bastap tumaýǵa qarsy vaksınasıa júrgizý bastalady. Maska taǵý rejımi tek medısınalyq uıymdardyń qyzmetkerleri úshin ǵana engiziledi.
Qaýlymen tolyǵyraq QR DSM Sanıtarıalyq-epıdemıologıalyq baqylaý komıtetiniń saıtynda myna silteme boıynsha tanysýǵa bolady.
Barlyq azamattardy resmı aqparat kózderindegi senimdi aqparatqa senýge shaqyramyz», – delingen QR Sanıtarlyq-epıdemıologıalyq baqylaý komıteti baspasóz qyzmetiniń habarlamasynda.