Jyl basynan beri elimizdiń kólik polıseıleri túrli ákimshilik quqyq buzýshylyqtar jasaǵany úshin áýe kemesinen 356 adamdy túsirdi.
Onyń ishinde alkogóldik ishimdikter ishkeni jáne qoǵamdyq oryndarǵa masań kúıinde kelgeni úshin – 175, usaq buzaqylyq jasaǵany úshin – 19, áýe kemesindegi minez-qulyq qaǵıdalaryn buzǵany úshin – 19 tulǵa bar jáne taǵy basqa, dep habarlaıdy aqshamnews.kz Elorda.info-ǵa silteme jasap.
Máselen, Astana áýejaıyndaǵy jelilik polısıa bóliminiń qyzmetkerleri akt boıynsha Astana–Varshava baǵytyndaǵy áýe reısinen quqyq buzýshyny túsirip aldy.
Tekserý barysynda polıseıler 49 jastaǵy Germanıa azamatyn anyqtady. Ol masań kúıinde bolyp, ekıpajdyń talaptaryn oryndamaǵan.
Sheteldik azamat alkogóldik ishimdikterdi ishkeni nemese qoǵamdyq oryndarǵa masań kúıinde kelgeni, áýe kemesindegi minez-qulyq qaǵıdalaryn buzǵany úshin ákimshilik jaýapkershilikke tartylyp, oǵan 8 AEK mólsherinde aıyppul salyndy.