Esirtki taratqany úshin sottalǵan 1200 adam shartty túrde merziminen buryn shyǵýy múmkin. Bul týraly İshki ister mınıstrliginiń Esirtki qylmysyna qarsy is-qımyl komıtetiniń tóraǵasy Qýandyq Áljanov habarlady. Bul týraly Aqshamnews.kz saıty habarlaıdy.
Qýandyq Áljanovtyń aıtýynsha, 2024 jyldyń sońynda «Esirtki zattarynyń zańsyz aınalymyna qarsy is-qımylǵa qatysty» zańnamalyq aktilerge ózgerister engizildi. Jańa talaptarǵa sáıkes, esirtki satýdy uıymdastyrǵandar men ony taratqandar úshin jaza ekige bólindi.
Buryn esirtkini taratýmen aınalysqan barlyq tulǵalar bir bap boıynsha qylmystyq jaýapkershilikke tartylsa, endi esirtkini ár jerge jasyryp qoıyp júrgender (qoldanýshylarǵa jetkizýshiler) birinshi ret ustalsa, shartty túrde merziminen buryn bosatý quqyǵyna ıe bola alady. Alaıda, mınıstrlik ókiliniń aıtýynsha, ár jaǵdaı jeke qaralatyn bolady.
Bul zań ózgerisi qoǵamda qyzý talqylanýda. Bir tarap bul qadam esirtkimen kúresti álsiretedi dep alańdasa, ekinshi tarap jazanyń aýyrlyǵy qylmyskerlerdi áleýmettik beıimdelý múmkindiginen aıyrmaýy kerek dep sanaıdy.