Birneshe óńirinde burshaq aralas jańbyr jaýady
"Qazgıdromet" RMK málimetinshe, 2022 jyldyń 12 tamyzynda Qazaqstannyń jeti oblysynda daýyldy eskertý jarıalandy, dep habarlaıdy Almaty-akshamy.kz.
Qaraǵandy oblysynyń soltústiginde, shyǵysynda naızaǵaı oınaıdy dep kútiledi. Túnde jáne tańerteń oblystyń soltústiginde, shyǵysynda tuman túsýi yqtımal.
Jumada kúndiz Soltústik Qazaqstan oblysynyń basym bóliginde jańbyr jaýady. Oblystyń soltústiginde, batysynda, shyǵysynda naızaǵaı oınap, burshaq túsedi dep kútiledi. Túnde jáne tańerteń oblystyń soltústiginde, shyǵysynda tuman túsedi. Batystan, soltústik-batystan soqqan jeldiń ekpini kúndiz óńirdiń soltústiginde, batysynda, shyǵysynda 15-20 m/s quraıdy.
Petropavlda naızaǵaı oınaıdy dep boljanady. Túnde jáne tańerteń tuman túsýi yqtımal. Kúndiz batystan, soltústik-batystan 15-20 m/s jyldamdyqpen jyl soǵady.
Al Batys Qazaqstan oblysynda 37 gradýsqa deıin kún ysıdy. Oralda kúndiz qatty ystyq bolady: +35 S.
Túrkistan oblysynyń taýly aýdandarynda naızaǵaı oınap, daýyl turady dep kútiledi. Kúndiz oblystyń batysynda, taýly aýdandarda sekýndyna 15-20 metr jyldamdyqpen soltústik-shyǵystan jel soǵady. Oblystyń ońtústiginde, shyǵysynda tótenshe órt qaýpi saqtalady.
Túrkistanda 12 tamyzda kúndiz soltústik-shyǵystan soqqan soqqan jeldiń ekpini 15-20 m/s quraıdy.
Qyzylorda oblysynda soltústik, soltústik-shyǵystan soqqan jeldiń ekpini kúndiz oblys ortalyǵynda 15-20 m/s jetedi. Oblystyń basym bóliginde tótenshe órt qaýpi saqtalady.
Qyzylordada tótenshe órt qaýipi saqtalady.
Abaı oblysynyń soltústik aýmaǵynda juma kúni kúndiz qatty jańbyr jaýady. Túnde oblystyń batysy men soltústiginde tuman túsedi. Kúndiz soltústikte, batysta, oblys ortalyǵynda naızaǵaı oınap, burshaq túsedi dep kútiledi. Kúndiz oblystyń soltústiginde, batysynda, ortalyǵynda sekýndyna 15-20 metr jyldamdyqpen soltústik-batystan jel soǵady.
Besqaraǵaı aýdanynda tótenshe órt qaýpi bar. Semeıde naızaǵaı oınaıdy dep kútiledi.
Aqtóbe oblysynyń shyǵysynda da naızaǵaı jarqyldaıdy. Oblystyń ońtústik jartysynda kúndiz qatty ystyq bolady: +35...+36 gradýs.