«Balqytý» JSHS dırektory Ómirtaı Adamov para bergenin moıyndady
Atyraýda oblys ákiminiń burynǵy orynbasary B.Hamenovaǵa qatysty sot otyrysy ótti dep habarlady Almaty-akshamy.kz ATPress.kz-ke silteme jasap.
Túske deıingi sot otyrysynda prokýror Laýra Asanova aıyptaý aktisin oqydy. Onda ol Baqytgúl Hamenovanyń 4,5 mıllıon teńgeni eki adamǵa bólgenin aıtty. Aqylbek Rysqalıevke atalǵan somanyń 2 mln teńgesin ózine qaldyrýdy tapsyrǵan.
«Hamenova Rysqalıev Atyraý oblysy ákimdigi ǵımaratynan shyqqannan keıin ony qaıta shaqyryp alǵan. Jınalys kezinde shaqyryp «Sen mynaǵan óte saq bol, óte saq bol! Seniń artyńnan qarap júrgen adam kóp» dep aıtqan. Osylaısha Rysqalıevqa para retinde alynǵan aqshaǵa saq bolýdy eskertti», – dedi prokýror.
Alaıda Baqytgúl Hamenova sot otyrysy barysynda ózine taǵylǵan aıypty moıyndamady. Al oblystyq Mádenıet basqarmasynyń basshysy Aqylbek Rysqalıev tek deldal retinde jumys istegenin aıtty. «Balqytý» JSHS dırektory Ómirtaı Adamov para bergenin moıyndady. Advokat I.Vranchev qorǵaýyndaǵy B.Hamenovany ýaqytsha qamaý ızolátorynan úıqamaqqa aýystyrý týraly ótinishin bildirgen bolatyn. Onyń bul usynysyn basqa aıyptalýshylar da, olardyń qorǵaýshylary da quptady. Alaıda sot Jumaǵalı Tashımov Baqytgúl Hamenovaǵa qatysty qamaýǵa alý túrindegi bultartpaý sharasyn sanksıalaý týraly ótinishti qanaǵattandyrmady. Sot otyrysy 12 tamyz kúni jalǵasady.
Aıta keteıik, 2021 jyldyń jeltoqsanynda Atyraý oblysy ákiminiń burynǵy orynbasary Baqytgúl Hamenova men oblystyq Mádenıet basqarmasynyń basshysy Aqylbek Rysqalıev ustaldy. Olar Abaı eskertkishin ornatýǵa memlekettik satyp alý shartyn jasaǵany úshin 4,5 mıllıon teńge para aldy degen kúdikke ilindi. Aıyptalýshylardyń qatarynda «Balqytý» JSHS dırektory Ómirtaı Adamov ta bar.