Úsik, burshaq, daýyl - birqatar óńirlerde kún sýytady.
12 qyrkúıekte Qazaqstan aýmaǵynyń basym bóligi soltústik-batys antısıklonynyń yqpalynda bolady, sondyqtan jaýyn-shashyn jaýmaıdy, dep habarlaıdy Almaty-akshamy.kz.
"Qazgıdromettiń" boljamyna qaraǵanda, búgin elimizdiń tek soltústigi, shyǵysy jáne ońtústik-shyǵysyna sıklon men atmosferalyq fronttar áser etedi.
Osyǵan baılanysty atalǵan óńirlerde jańbyr jaýady, shyǵysta, ońtústik-shyǵysta qatty jańbyr jaýyp, naızaǵaı oınaıdy.
Túnde Almaty oblysynyń taýly aýdandarynda nóser jaýyn-shashyn bolady (jańbyr jylbysqy qarǵa aýysady).
Qazaqstan boıynsha jeldiń kúshi - 15-23 m/s, elimizdiń shyǵysy men ońtústik-shyǵysynda ekpini 23-28 m/s jetedi. Kúndiz Mańǵystaý oblysynda shańdy daýyl soǵady. Eldiń soltústiginde, soltústik-batysynda túnde jáne tańerteń tuman bolady. Kúndiz Jambyl oblysynyń taýly aýdandarynda burshaq jaýady.
Qyzylorda, Túrkistan, Jetisý oblystarynyń basym bóliginde, Abaı oblysynyń ońtústiginde, shyǵysynda, soltústiginde, ortalyǵynda, Shyǵys Qazaqstan oblysynyń soltústik-shyǵysynda, Atyraý oblysynyń batysynda tótenshe órt qaýpi, Qostanaı oblysynyń ońtústiginde joǵarǵy órt qaýpi saqtalady.
Túnde Aqmola oblysynyń soltústik-batysynda, Soltústik Qazaqstan oblysynyń soltústik-shyǵysynda, Qostanaı, Batys Qazaqstan, Aqtóbe oblystarynyń soltústiginde topyraq betinde 1-2 gradýs úsik júredi.