Bul kúni áıelder jáne grek-rım kúresinen beldesýler ótedi
Serbıa astanasy Belgrad qalasynda ótip jatqan kúres túrlerinen álem chempıonatynda búgin, 12 qyrkúıekte bozkilemge shyǵatyn qazaqstandyq balýandardyń qarsylastary anyqtaldy, dep habarlaıdy Almaty-akshamy.kz QazAqparatqa silteme jasap.
Bul kúni áıelder jáne grek-rım kúresinen beldesýler ótedi.
Áıelder kúresinen Marına Sedneva (55 keli) men Aıaýlym Qasymova (62 keli) jarysqa túsedi.
Alǵashqy beldesýinde Aıaýlym Qasymova úndistandyq Sonammen kezdesse, Marına Sedneva polshalyq R. Zasınamen sheberlik baıqasady.
Aıta ketsek, áıelder quramasynda olardan ózge Svetlana Ankıcheva (50 keli), Juldyz Eshimova (53 keli), Emma Tısına (57 keli), Dıana Kaıýmova (59 keli), Elena Shalygına (65 keli), Mádına Baqbergenova (68 keli) Jámıla Baqbergenova (72 keli), Gúlmaral Erkebaeva (76 keli) bar.
Endi grek-rım kúresinen Aıdos Sultanǵalı (60 keli), Álimhan Syzdyqov (130 keli) saıysqa túsedi.
Aıdos Sultanǵalı rýmynıalyq Aleksandrý Trandafırmen 1/8 fınal joldamasyn sarapqa salsa, Álimhan Syzdyqov ırandyq Amın Mırzazade alǵashqy beldesýin ótkizedi.
Al Dıas Qalen búgin, 12 qyrkúıekte jubanysh beldesýine qatysady. Onyń alǵashqy qarsylasy - ózbekstandyq Jalǵasbaı Berdimuratov fınalǵa joldama alýyna baılanysty oǵan osyndaı múmkindik jasaldy.
Aıta ketsek, 11 qyrkúıekte el quramasynan Ǵalym Qabdýnasarov, Din-Muhamed Qoshqar, Islam Ýmaev qarsylastaryna ese jiberip qoıdy.
Sondaı-aq, qola júlde úshin saıysta Amanǵalı Bekbolatov (55 keli), Ibragım Magomadov (72 keli), jubanysh beldesýinde Tamerlan Shadýkaev (77 keli) qarsylastaryna ese jiberip, júldeden tys qaldy.
El quramasynan Nursultan Tursynov (87 keli) jarys jolyn erte aıaqtady.
Aıta ketsek, kúres túrlerinen álem chempıonaty 10-18 qyrkúıek aralyǵynda ótkiziledi.