Qarasý shaǵyn aýdannyń 12 myńnan astam turǵyny ortalyqtandyrylǵan qalalyq sý burý jelilerimen qamtylatyn bolady, dep habarlaıdy Almaty-akshamy.kz
Almaty ákimi Erbolat Dosaev Alataý aýdanyn aralaǵan jumys sapary kezinde Qaaasý shaǵyn aýdanyndaǵy eki káriz-sorǵy stansıasynyń (KSS) qurylys barysymen tanysty.
Qarasý shaǵyn aýdanyndaǵy sýmen jabdyqtaý jelilerindegi qurylys-montaj jumystary 2019 jyly Almaty qalasy energetıka jáne sýmen jabdyqtaý basqarmasynyń tapsyrysy boıynsha bastaldy. Jer bederiniń tegis emestigi saldarynan qoldanystaǵy kolektordaǵy aǵyn sýlardy burý úshin 11 metr tereńdikte eki káriz jáne sorǵy stansıalaryn salý qajet boldy. Shuńqyrdy qazý kezinde merdiger uıym jer asty sýlarynyń úlken aǵynyna tap boldy. Jobalyq sheshimmen sýdy burý úshin skvajınany qosymsha burǵylaý qarastyrylǵan. Jaqyn arada merdiger uıym KSS montajdaýǵa kirisedi. Nysandy tapsyrýdyń jańa merzimderine sáıkes jumystardy 2023 jyldyń sońyna deıin aıaqtaý josparlanýda.
Alataý aýdanynyń ákimi Azamat Qaldybekov megapolıs basshysyna shaǵyn aýdan turǵyndaryn ortalyq ınjenerlik jelilermen qamtý nátıjeleri men josparlary týraly baıandady. Aǵymdaǵy joba aıasynda komýnıkasıalar qurylysy boıynsha 25 km sý qubyry júrgizildi. Sý burý jumystary is júzinde aıaqtaldy,qalǵany 140 m.Osylaısha, ortalyq jelilermen 12 myńǵa jýyq adamdy qamtı otyryp, 2 myńǵa jýyq jeke turǵyn úı qamtamasyz etiledi.
Erbolat Dosaev aýdandyq ákimdikke jáne energetıka jáne sýmen jabdyqtaý basqarmasyna jumystardy belgilengen merzimge sáıkes aıaqtaý úderisin baqylaýdy jáne sapany tekserýdi júzege asyrýdy tapsyrdy.