Erbolat Dosaev Kemel shaǵyn aýdanyndaǵy otbasylyq-dárigerlik ambýlatorıanyń jańa ǵımaratynyń daıyndyǵyn tekserdi, dep habarlaıdy Almaty-akshamy.kz
Qoljetimdi medısına: Kemel shaǵyn aýdanyndaǵy jańa otbasylyq-dárigerlik ambýlatorıanyń qyzmetin 8 myń turǵyn paıdalana alady
Almaty ákimi Erbolat Dosaev Jetisý aýdanyn aralaý barysynda Kemel shaǵyn aýdanyndaǵy 200 adam qabyldaıtyn otbasylyq-dárigerlik ambýlatorıaǵa bardy. Qala basshysy pasıentterdi qabyldaýǵa arnalǵan kabınetterdi, prosedýralyq jáne ÝDZ kabınetterin kórdi.
Megapolıs basshysyna qazirgi ýaqytta nysandaǵy barlyq qurylys-montaj jumysy aıaqtalǵandyǵy týraly baıandaldy. Injenerlik komýnıkasıalarǵa qosylý boıynsha jumystar júrgizilgennen keıin ambýlatorıa jumysyn bastaıdy.
Jańa otbasylyq-dárigerlik ambýlatorıa Kemel shaǵyn aýdanynyń 8 myńnan astam turǵynyn qoljetimdi medısınalyq qyzmetpen qamtamasyz etedi. Qazir olar Kemel shaǵyn aýdanynan 3,5 shaqyrym jerde ornalasqan Kókjıek shaǵyn aýdanynda qaralyp júr. Al №21 qalalyq emhanaǵa 42 600 turǵyn tirkelgen. Jańa ambýlatorıanyń arqasynda emdeý mekemesinde júktemeniń úshten biri azaıady.
№ 21 emhananyń bas dárigeri Erlan Qudabaev emdeý mekemesinde kómek kórsetýdiń jedeldigi dárejesin eskere otyryp, pasıentterdi sanattarǵa bólýdi kózdeıtin trıaj-júıe engizilgenin, sıfrlyq kezek, shtat joǵary mamandandyrylǵan dárigerlermen jasaqtalǵanyn habarlady. Búginde medısına qyzmetkerleriniń shtaty qalyptasyp, qural-jabdyq satyp alyndy.
Erbolat Dosaev pasıentterdi qabyldaýdy bastaý úshin jańa ambýlatorıany jabdyqtaý jáne komýnıkasıalarǵa qosý jumystaryn tezdetýdi tapsyrdy.
Anyqtama: 2023 jyly Almatyda 2 otbasylyq-dárigerlik ambýlatorıa ashyldy. Jeltoqsanǵa deıin taǵy 4 ambýlatorıanyń qurylysyn aıaqtaý josparlanǵan.