Kúdiktilerdi ustaý is-sharasyn qalalyq krımınaldyq polısıa qyzmetkerleri áriptesterimen jáne Alataý aýdandyq PB men polısıanyń arnaıy jasaqtarymen birlesip júrgizdi. Tergeýdiń osy kezeńinde bes kúdiktiniń 11 urlyqqa qatysy bar ekendigi belgili boldy.
– Kúdiktiler standartty tizbek boıynsha áreket etti: olar úı ıeleriniń bar-joǵyn tekserdi, úıge kirip, baıqatpaı alyp ketýge bolatyn barlyq zatty – altyn buıymdardy, qolma-qol aqshany jáne turmystyq zattardy alyp ketti. Sońǵy qylmysty kúdiktiler Nurkent shaǵyn aýdanynda jasaǵan. Kúdiktiler kiltti tańdaý arqyly páterge zańsyz kirip, jalpy somasy 500 myń teńgeniń jeke múlkin urlaǵan. Olar ustalyp, qamaýǵa alyndy. Qylmystyq toptyń qalanyń Alataý, Almaly, Bostandyq jáne Túrksib aýdandarynda urlyq jasaǵany belgili boldy, – dedi, Almaty qalalyq polısıa departamenti bastyǵynyń orynbasary Qýatbek Naýatov.
Kúdiktiler Qazaqstannyń basqa aımaqtarynan kelgen, buryn da osyǵan uqsas qylmystar jasaǵany úshin sottalǵandar.
QR QK-niń 201-babyna sáıkes ózge aqparat tergeý múddesine oraı jarıa etilmeıdi.
QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.