Poıyz táýligine bir ret júredi
11 qarashadan Qonaev qalasynan Almatyǵa poıyz qatynaı bastaıdy. Bul týraly Indýstrıa jáne ınfraqurylymdyq damý mınıstrliginiń baspasóz qyzmetinen málim etti, dep habarlaıdy Almaty-akshamy.kz.
«Poıyz táýligine bir ret júredi. Jyljymaly quram Almaty-1 stansıasynan saǵat 06:44-te jóneltilip, Qapshaǵaı stansıasyna saǵat 08:35-te keledi. Al Qapshaǵaı stansıasynan saǵat 19:15-te jóneltilip, Almaty-1 stansıasyna saǵat 20:50-de keledi. Poıyz quramynda jalpy jolaýshylar syıymdylyǵy 175 oryndy quraıtyn 3 vagon bar», - dedi vedomstvonyń baspasóz qyzmetinen.
Buǵan deıin Qonaev qalasynyń ákimi Nurlan Qumataev poıyz toqtaıtyn platformany jóndeý, abattandyrý jumystary aıaqtalýǵa jaqyn ekenin aıtqan bolatyn.
Eske salaıyq, 19 qazanda Almaty oblysyna jumys saparymen barǵan Memleket basshysy Almaty men Qonaev qalalarynyń arasyndaǵy elektr poıyzyn qaıta iske qosýdy tapsyrǵan bolatyn.