Satyp alý quqyǵynsyz jalǵa beriletin turǵyn úı bes jyl merzimge beriledi
Aldaǵy úsh jylda Astana, Almaty jáne Shymkent qalalarynda jastar úshin jalǵa beriletin 12 myń páter salynady, dep habarlaıdy Almaty-akshamy.kz QR IIDM baspasóz qyzmetine silteme jasap.
"Qýatty óńirler – el damýynyń draıveri" ulttyq jobasyna sáıkes, 2025 jylǵa deıin jyl saıyn 3 myń páter salý jáne satyp alý kózdelip otyr. Bıyl osy maqsatta respýblıkalyq búdjetten 21,6 mlrd teńge qarastyrylǵan.
«Satyp alý quqyǵynsyz jalǵa beriletin turǵyn úı bes jyl merzimge beriledi. Osy kezeń ishinde jastardyń óz baspanasynyń bastapqy jarnasyn jınaý múmkindigi týmaq. Al keıinnen bosaǵan turǵyn úı kelesi úmitkerlerge beriledi. Jalpy alǵanda, 2019 jyldan beri "Nurly jer" memlekettik baǵdarlamasy sheńberinde jumys isteıtin jastarǵa elimizdegi úsh megapolıste 7 myńǵa jýyq jalǵa beriletin páter salyndy», - delingen habarlamada.