«Halyqtyń kóshi-qony týraly» zańdy iske asyrý aıasynda 2023 jylǵy shildeden bastap Qazaqstanda qandas mártebesin berýdiń bes negizgi shartyn qamtıtyn jańa tásilder engizildi.
Olardy iske asyrý sheńberinde ótken kezeńde qandas mártebesi 10 563 etnıkalyq qazaqqa berildi, dep habarlaıdy almaty-akshamy.kz Eńbek jáne halyqty áleýmettik qorǵaý mınıstrligine silteme jasap.
Kandas mártebesi kelesi sharttardy eskere otyryp:
– qonys aýdarýshylar men qandastardy qabyldaýdyń óńirlik kvotalary sheńberinde QR Úkimeti aıqyndaǵan óńirlerge qonystandyrý úshin (eńbek tapshylyǵy bar óńirler);
– demografıalyq damýǵa qajettiligi bar damý áleýeti bar aglomerasıalar men aýyldyq eldi mekenderdiń, shaǵyn jáne monoqalalardyń, aýdandyq jáne oblystyq mańyzy bar qalalardyń aýmaqtarynda qonystandyrý úshin;
– turǵyn úı máselelerin óz betinshe sheshý múmkindigimen (nemese eger ótinish berýshi turǵyn úı ıesi bolyp tabylmasa, onyń turýyna týystarynyń notarıat kýálandyrǵan kelisimin berýmen) ótinish berýshiniń ótinish berý óńiriniń aýmaǵynda turaqty turatyn Qazaqstan azamattary bolyp tabylatyn otbasymen jáne/nemese jaqyn týystarymen (týystyǵyn rastaı otyryp) qaıta qosylýy úshin;
– jumys berýshilerdiń shaqyrýy boıynsha bos jumys ornyna jumysqa ornalasý úshin (aldyn ala eńbek shartyn qosa bere otyryp) ne turǵyn úı máselelerin óz betinshe sheshý múmkindigi bar etnıkalyq qazaqtar qataryndaǵy dara kásipkerler úshin;
– Qazaqstan Respýblıkasynyń joǵary oqý oryndarynda oqıtyn etnıkalyq qazaqtar úshin (oqý ornynan anyqtamany qosa bergen kezde) beriledi.
Jańa tásilder iske asyrylǵan sátten bastap eńbek tapshylyǵy bar óńirlerge qonystaný úshin 3296 etnıkalyq qazaq (1374 otbasy); aglomerasıalar aýmaqtarynda jáne aýyldyq eldi mekenderde qonystandyrý úshin – 948 adam (475 otbasy); otbasymen jáne/nemese jaqyn týystarymen qaýyshý úshin – 5655 adam (2843 otbasy); bos jumys ornyna jumysqa ornalasý úshin jumys berýshilerdiń shaqyrýy boıynsha oryn – 593 adam (295 otbasy); joǵary oqý oryndarynyń stýdentteri retinde – 71 adam (69 otbasy) qandas mártebesin aldy.
Esterińizge sala keteıik, etnıkalyq qazaqtardyń tarıhı otanyna oralýyn yntalandyrý jónindegi memlekettik saıasat elimiz táýelsizdik alǵan sátten bastap iske asyrylýda. Osy jyldar ishinde Qazaqstanǵa 1 mln 137,1 myńnan astam adam oralyp, qandas mártebesin aldy.