Qazaqstannyń múddesi úshin Uly Otan soǵysynyń ardageri 103 jastaǵy Fılıp Gýbanov ta qarap qalmaı, óz tańdaýyn jasady. Saıası naýqanda árbir azamattyń daýysy mańyzdy. Sondyqtan, bul kúni Jetisý aýdanyndaǵy №536 saılaý ýchaskesi komısıasynyń músheleri «Qulager» yqshamaýdanyndaǵy №53 úıde turyp jatqan soǵys ardageriniń úıine keldi. Ǵasyrdan astam ǵumyr keshken qarıa áli de tyń, kózi qaraqty, qulaǵy da jaqsy estıdi.
– Meniń balalyq shaǵym asharshylyq jyldaryna tuspa-tus keldi. Joqshylyqtyń ashshy dámin tattym. Sonaý surapyl soǵysqa qatysyp, Otan úshin ot keshtim. Beıbit ómirdiń jaqsy kúnderi buıyrdy. Bárine shúkirshilik etemin. Taǵdyr maǵan beıbit ómirdi, baqytty kúnderdi kórýdi buıyrtqan eken. Sol beıbit ómirdi saqtaı bileıik! Meniń jasym kelse de, elimizde beıbit ómirdiń bolǵanyn qalaımyn! Elimizdiń bolashaǵy úshin daýys berip otyrmyn! Saılaýǵa qatysyp, daýys berýdiń ózi baqyt qoı. Kelesi saılaýǵa deıin aman bolaıyq!
103 jastaǵy ardager daýys berdi
- Avtor almaty-akshamy.kz
- 09:54, 19 naýryz 2023
almaty-akshamy.kz