2022 jyly otandyq kýrorttarda demalǵan týrıser sany 2021 jylmen salystyrǵanda 30% ósti. Osynyń arqasynda Qazaqstannyń qonaq úıleri 102 mlrd teńgeden astam tabys tapty, dep habarlaıdy Almaty-akshamy.kz QazAqparatqa silteme jasap.
Mádenıet jáne sport mınıstrligi málimetinshe, kórsetilgen qyzmet kólemi 2021 jylmen salystyrǵanda eki esege jýyq ósken.
Sondaı-aq kýrortty aımaqtardaǵy tósek-oryn sany 102 myńnan 106 myńǵa deıin artty.
Pandemıaǵa deıingi deńgeımen salystyrǵanda, Qazaqstannyń kýrortty aımaqtarynda týrıser sany úsh ese, al kórsetilgen qyzmetter kólemi 6 ese ósti.
Bul rette saıahatshylar kóbine Almaty taý klasterinde, Býrabaıda, Mańǵystaý kýrortty aımaǵynda jáne Alakól kóliniń jaǵalaýynda toqtaıtynyn aıta ketken jón.
«Qazirgi ýaqytta eń tanymal baǵyttar boıynsha týrısik ınfraqurylymdy damytýda belsendi jumys júrgizilip otyr. Bizdiń maqsatymyz – birneshe jyl ishinde ishki týrıserdiń jalpy sanyn 11 mln adamǵa deıin, al kiretin týrıserdi – 4 mln adamǵa deıin ulǵaıtý úshin kýrorttar men demalys aımaqtarynyń qoljetimdiligin, sondaı-aq syıymdylyǵyn arttyrý, atap aıtqanda, qazir jańa nysandar salynyp jatyr, al týrızm salasyndaǵy kásipkerler sýbsıdıa alyp keledi», - dep atap ótti QR MSM týrızm ındýstrıasy komıtetiniń tóraǵasy Dastan Ryspekov.