Áıelderdiń saıası belsendiligi men kóshbasshylyq qasıetin arttyrýǵa baǵyttalǵan trenıńter aıaqtaldy.
İs-sharany Qazaqstandaǵy «BUU-áıelder» qurylymy QR Mádenıet jáne aqparat mınıstrliginiń jáne QR Prezıdenti janyndaǵy Áıelder isteri jáne otbasylyq-demografıalyq saıasat jónindegi ulttyq komısıanyń qoldaýymen uıymdastyrdy, dep habarlaıdy aqshamnews.kz Mádenıet jáne aqparat mınıstrligine silteme jasap.
Trenıńter Kókshetaý, Oral, Óskemen, Petropavl jáne Shymkent qalalarynda ótti. Oǵan saılaýǵa túsken nemese josparlaǵan 100-den astam áıel, ÚEU basshylary, azamattyq qoǵam belsendileri qatysty.
Úsh kúndik oqý baǵdarlamasy saıası kóshbasshylyq pen naýqandy basqarýdyń negizgi máselelerin qamtydy.
Birinshi kúni qatysýshylar transformasıalyq kóshbasshylyq qaǵıdattarymen tanysty.
Ekinshi kúni saılaý okrýgin taldaý, saıası partıalarmen jumys isteý jáne jeke oqıǵany baıandaý negizderi úıretildi.
Úshinshi kún saılaýshylarmen strategıalyq ózara baılanys, fandraızıng jáne qarjylyq josparlaý taqyrybyna arnaldy.
Trenıń sońynda qatysýshylarǵa sertıfıkattar usynylyp, sarapshylar tarapynan baǵa berilip, usynystar aıtyldy.