Túrkistan oblysynyń turǵyny bıylǵy mamyrdan beri nesıesin tólemegen.
Óńirdegi patrúldik polısıa batalóny qyzmetkerleriniń planshetine 10 mln teńge qaryzy bar Toyota Corolla kóligi boıynsha dabyl túsken, dep habarlaıdy aqshamnews.kz Polisia.kz-ke silteme jasap.
Avtomobıl Saıram-Aqsýkent tas jolynda toqtatyldy.
Kólikti saqtandyrý polısi boıynsha áıel basqarǵan. Tekserý kezinde avtomobıl onyń kúıeýiniń atyna jazylǵany belgili boldy. Alaıda er adamnyń bankke qomaqty qaryz ekeni anyqtaldy. Ol mamyrdan beri qaryzyn tólemegendikten polısıaǵa sot oryndaýshysynan qaýly túsken.
"Málimetter bazasyn tekserý barysynda toqtatylǵan kóliktiń ıesinde 10 mln teńge qaryz bary anyqtaldy. Kólikti arnaıy aıypturaqqa qoıdyq. Qaryz ótelmeıinshe, sot oryndaýshynyń ruqsaty kelmeıinshe, avtomobıl sol jerde turady", – dedi oblystyq patrúldik polısıa batalónynyń komandıri Almas Myrzahmetov.
Polısıa oblys turǵyndaryna bereshekti ýaqytynda tóleýge keńes beredi.