Qazirgi qoǵamda memlekettik qyzmetkerlerdiń róli óte mańyzdy ári kópqyrly. Olar tek ózderiniń fýnksıonaldyq mindetterin oryndap qana qoımaı, azamattardyń quqyqtary men múddelerin qorǵaýǵa, halyqqa zań talaptaryn durys qoldaný tártibin túsindirýge, memleketke degen senimdi arttyrýǵa, qoǵammen tıimdi qarym-qatynas ornatýǵa mindetti.
Árbir memlekettik qyzmetker óz laýazymdyq mindetterin oryndaýmen qatar, etıkalyq normalardy jáne memlekettik qyzmetke qatysty zańnamalyq talaptardy qatań saqtaýy tıis. Memlekettik qyzmette ózin-ózi ustaýdyń joǵary standarttary talap etiledi, olar árqashan mádenıetti, tutynýshyǵa baǵyttalǵan jáne kásibı deńgeıde bolýy kerek.
Memlekettik qyzmetke kirgende, ár kandıdat arnaıy shekteýler qabyldaıdy jáne bul qyzmettiń jaýapkershiligin tolyq túsinýi qajet. Osy maqsatta etıka boıynsha ýákiletti ókilder ınstıtýty quryldy. Olar personalmen jumys isteý, sybaılas jemqorlyqqa qarsy is-sharalar uıymdastyrý, azamattardyń jáne qyzmetkerlerdiń shaǵymdaryn qaraý, ujymda qolaıly moraldyq-psıhologıalyq ahýal qalyptastyrýǵa jaýapty.
Departament memlekettik qyzmetkerlerdiń zańda kózdelgen shekteýlerdi jáne etıkalyq normalardy saqtaýyn qamtamasyz etý maqsatynda únemi túsindirý jumystaryn júrgizedi. Sondaı-aq, qumar oıyndarǵa qatysty zańnamalyq aktilerge ózgerister engizilgenin jáne oıyn bıznesimen aınalysýǵa tyıym salynǵanyn eske saldy. Jıi kelip túsetin shaǵymdar – demalys berý, syıaqy berý jáne qyzmetkerlerge ádiletsiz jaza qoldaný máseleleri boıynsha.
Sonymen qatar, «Tálimgerler keńesi» aıasynda jas basshylardy qoldaý jáne olardyń qyzmetke beıimdelýine kómek kórsetý maqsatynda arnaıy kezdesýler ótkiziledi. Búgingi tańda keńes músheleri B.Japarov pen B.Kamalovtyń jumys nátıjeleri tyńdalyp, ujymda durys qarym-qatynas ornatý jáne jumys nátıjeliligin arttyrý baǵytyndaǵy usynystary qaraldy.