Tarazda terakt kezinde qaza tapqan «Halyq qaharmany» Ǵazız Baıtasovqa arnalǵan eskertkish taqta Almatyda ashyldy
Qarýly lańkesti ustaý kezinde erlikpen qaza tapqan polısıa qyzmetkeri Ǵazız Baıtasovtyń esimin el esinde máńgilikke saqtaý maqsatynda elimizde kóptegen sharalar atqaryldy. Batyr ulǵa «Halyq qaharmany» ataǵy berilip, jer-jerlerde Ǵ.Baıtasovqa arnalǵan eskertkish taqtalar ashyldy, dep habarlaıdy Almaty-akshamy.kz.
"Egemen Qazaqstan" basylymy saıtynyń aqparaty boıynsha, atalǵan oqıǵaǵa bıyl 10 jyl bolǵan. Soǵan oraı Maqan Esbolatov atyndaǵy Almaty akademıasynda «Halyq qaharmany» Ǵazız Baıtasovqa arnalǵan buryshtama taqta ashyldy. Oǵan batyrdyń jubaıy arnaıy shaqyryldy.
Almaty akademıasynyń basshysy Aıdar Saıtbekov pen marqumnyń jubaıy Gúljamal Mahambetqyzy buryshtama taqtany saltanatty túrde ashty.
Jańa ashylǵan buryshtamaǵa orkestr áýenimen gúl qoıý rásimi ótti. Akademıa ǵımaratynda ekskýrsıa uıymdastyrylyp, klýbta oqytýshy-professorlyq qurammen, kýrsanttarmen kezdesý ótkizildi. Ǵazız Baıtasovtyń erligi jaıly derekti fılm kórsetildi.