Avstrıada ótken zıatkerlik jarysta qazaqstandyq qatysýshynyń baǵy jandy
Pavlodar qalasyndaǵy kolejdiń túlegi Dına Afanaseva «Euroskills Graz 2021» Eýropa chempıonatynda qola medal jeńip aldy, dep habarlaıdy Almaty-akshamy.kz.
Ol ulttyq qurama sapynda zıatkerlik jarysqa qatysyp, «Veb-ázirleý» baǵyty boıynsha júldeli úshinshi orynǵa ıe boldy.
Osy jyly Eýropa chempıonatynda shamamen otyz memleketten kelgen tórt júzden astam qatysýshy baq synady. Chempıonat eki jylda bir ret uıymdastyrylady. 2021 jyly jarys Avstrıadaǵy Gras qalasynda ótti.
Aıta ketetini, Dına - Worldskills Kazakhstan-2019 respýblıkalyq chempıonatynyń jeńimpazy jáne Worldskills Kazakhstan ulttyq quramasynyń múshesi. 2020 jyly Dına First Virtual Skill Competition on Web Technologies ı Second Virtual Skill Competition on Web Technologies chempıonatynda úshinshi orynǵa ıe boldy. Sondaı-aq ótken jyly qashyqtan ótken Worldskills Eurasia-2020 chempıonatynda Qazaqstannyń namysyn qorǵap, altyn medaldy ıelendi. 2021 jyldyń qańtarynda Dına qashyqtan ótken «The 1st Unofficial European Web Development Competition 2021» chempıonatyna qatysyp, Qazaqstan qorjynyn altynmen tolyqtyrdy.
Qazaqstan ulttyq quramasy chempıonatqa «Mehatronıka», «Dánekerleý tehnologıalary», «Qurǵaq qurylys jáne sylaq jumystary», «Veb-ázirleý» jáne «Shashtaraz óneri» syndy 5 baǵyt boıynsha qatysty.