Shymkenttik dárigerler 10 jastaǵy balaǵa ota jasady.
Bas aýrýyna shaǵymdanǵan oqýshyǵa "Asar" shaǵynaýdanyndaǵy qalalyq balalar klınıkalyq aýrýhanasynyń dárigerleri ota jasady. Nátıjesinde mıyndaǵy ehınokokk kıstasyn hırýrgıalyq jolmen alyp tastady, dep habarlaıdy Almaty-akshamy.kz Astanatv.kz-ke silteme jasap.
Ota eki saǵatqa sozylǵan. Otadan keıin naýqas bala eki táýlik reanımasıada jatyp, keıin jalpy palataǵa shyǵarylǵan. Dárigerler bas mıynan qurt tabylǵan balanyń qazirgi jaǵdaıy jaqsy ekenin aıtty.
«Sáýirde 10 jasar bala qalalyq balalar klınıkalyq aýrýhanasyna tústi. Josparly túrde balaǵa ota jasalyp, qurt tárizdi ehınokokk kıstasy alyndy. Balanyń dıagnozy MRT arqyly anyqtalǵan. Naýqastyń basy aýyrǵan, sol belgileri boıynsha aýrýy anyqtaldy», - dedi Shymkent klınıkalyq balalar aýrýhanasynyń dáriger-neırohırýgi Samat Kókshikbaev.
Otadan keıin bir aptaǵa jýyq aýrýhanada jatqan naýqasty dárigerler úıine shyǵardy. Qazir mektep oqýshysy jergilikti emhanadaǵy dárigerlerdiń baqylaýynda. Dárigerlerdiń sózinshe, bas mıyndaǵy ehınokokk qurty - sırek kezdesetin jaǵdaı. Kóbine mundaı qurt tárizdes kısta baýyr men ókpede kezdesedi eken.