Eldiń basym bóliginde búgin de qatty ystyq bolmaq.
1 tamyz kúni atmosferalyq frontaldy bólikterdiń ótýimen elimizdiń basym bóliginde kún raıynyń qubylmaly sıpaty saqtalyp, naızaǵaı oınap, jańbyr jaýýy yqtımal, dep habarlaıdy Almaty-akshamy.kz.
Tek batysta, ońtústik pen soltústik-shyǵysta jaýyn-shashyn bolmaıdy. Barlyq óńirde jel turady. Soltústikte túnde jáne tańerteńgilik ýaqytta tuman kútiledi.
Atap aıtqanda, kúndiz Almaty, Jambyl, Túrkistan, Qyzylorda, Aqmola, Atyraý oblystarynda, sondaı-aq Jetisý, Ulytaý, Abaı oblystarynda Qostanaı, Aqtóbe, Qaraǵandy, Shyǵys Qazaqstan, Mańǵystaý oblystarynyń ońtústiginde 35-40°s qatty ystyq bolady.
Soltústik Qazaqstan oblysynda, Batys Qazaqstan oblysynyń batysynda, soltústik-batysy men ortalyǵynda órt tutanýdyń joǵary qaýpi kútiledi.
Mańǵystaý, Túrkistan, Almaty, Jambyl, Shyǵys Qazaqstan, Qaraǵandy, Aqtóbe, Qyzylorda, Ulytaý, Jetisý, Abaı oblystarynda, Qostanaı oblysynyń ońtústiginde, Atyraý oblysynyń batysynda, Pavlodar oblysynyń ońtústigi men shyǵysynda, Aqmola oblysynyń ońtústigi men batysynda órt tutaný qaýpi asa joǵary bolady.