Qazaqstan qor bırjasy (KASE) 15:30-daǵy jaǵdaı boıynsha dollardyń ortasha saralanǵan baǵamy 0,85 teńgege tómendep, 445,04 teńge bolǵanyn málimdedi, dep habarlaıdy Almaty-akshamy.kz.
Qytaı ıýaniniń ortasha saralanǵan baǵamy azdap tómendep, 62,11 teńge (-0,23) boldy.
Eýro baǵamyn Ulttyq bank 492,1 teńge, rúbldi 4,88 teńge dep belgiledi.
Aqsha aıyrbastaý oryndarynda dollar – 445-448 teńge, eýro – 488-492,5 teńge, reseı rýbli – 4,77-4,99 teńge aralyǵynda saýdalanyp jatyr.
Al 1 tamyzdaǵy saýdada álemdik munaı baǵasy tómendeı tústi.
Londondaǵy ICE Futures bırjasynda Brent markaly munaıdyń qazan aıyndaǵy fúchersteriniń baǵasy 0,36%-ǵa tómendep, barreline 85,12 dollar boldy. Dúısenbide bul kelisimsharttar 1,2%-ǵa ósip, barreline 85,43 dollar bolǵan edi.
Nú-Iork taýar bırjasyndaǵy (NYMEX) elektrondy saýdada qyrkúıek aıyndaǵy WTI markaly munaı fúchersteriniń baǵa belgilenimi 0,32%-ǵa arzandap, barreline 81,54 dollar boldy. Aldyńǵy sesıanyń qorytyndysy boıynsha ol 1,5%-ǵa ósip, barreline 81,8 dollar bolǵan.