Mamandandyrylǵan HQKO-lar men prosesıngtik ortalyqtar kúsheıtilgen jumys rejımine kóshti
Memleket basshysynyń tapsyrmasyna sáıkes İİM basqa memlekettik organdarmen birlesip, 23 qańtardan bastap 2022 jyldyń 1 qyrkúıegine deıin elge ákelingen sheteldik avtokólikterdi zańdastyryp jatyr. Zańdastyrýdyń aıaqtalýyna 10 kúnnen az ýaqyt qaldy (1 shildege deıin). Osyǵan baılanysty mamandandyrylǵan HQKO-lar jáne ákimshilik polısıa basqarmalarynyń prosesıngtik ortalyqtary kúsheıtilgen jumys rejımine kóshti: dúısenbiden jumaǵa deıin saǵat 09.00-den 20.30-ǵa deıin, senbi kúni saǵat 09.00-den 19.30-ǵa deıin, – dep habarlaıdy almaty-akshamy.kz Polisia.kz. silteme jasap.
1 shildeden bastap zańdastyrýǵa ótinimderdi qabyldaý toqtatylady. Alaıda 1 shildege deıin ótinim berip úlgergen azamattardyń avtokólikteri talaptarǵa saı keletin bolsa, kórsetilgen merzimnen keıin zańdastyrý quqyǵy beriletin bolady.
Budan basqa, Eýrazıalyq ekonomıkalyq odaq elderinen 2022 jylǵy 1 qyrkúıekke deıin ákelingen jáne buryn tirkelgen elinen esepten shyǵarylmaýy sebebinen zańdastyrý múmkin bolmaıtyn avtokólikterdi memlekettik tirkeý týraly sheshim qabyldandy.
Mundaı avtokólikter kórsetilgen merzim ótkennen keıin keri áketý týraly mindettememen 5 jyl merzimge ýaqytsha esepke alý nemese burynǵy tirkeý orny boıynsha avtokólikti esepten shyǵarǵan jaǵdaıda zańdastyrý sharttarymen tirkeledi.
Ýaqytsha esepke qoıý kezinde kólik quralyn tirkeý týraly kýálik jáne Qazaqstan Respýblıkasynyń memlekettik nómirlik belgileri beriletin bolady (memlekettik nómirlik belgiler úshin memlekettik baj – 9 660 teńge, KQTK – 4 313 teńge, ádettegi tirkeý úshin alym – 863 teńge).
Tirkeý týraly kýálikte ıelikten shyǵarý jáne Qazaqstan Respýblıkasynan tys jerlerge shyǵý quqyǵynsyz ýaqytsha esepke alý kórsetiledi. Shet memlekettiń tirkeý qujattary men memlekettik nómirlik belgileri “Azamattarǵa arnalǵan úkimet” Memlekettik korporasıasyna saqtaýǵa tapsyrylatyn bolady.
Eger Qazaqstan azamattary olardy elden tys jerlerge áketý týraly sheshim qabyldaǵan jaǵdaıda, olar Qazaqstan Respýblıkasynyń KQTK jáne MTNB tapsyrýy tıis, sodan keıin olarǵa tirkeý qujattary men shet memlekettiń MTNB qaıtarylatyn bolady. Sondaı-aq mindetti avtosaqtandyrý jáne jol qozǵalysy salasyndaǵy zańnamanyń sońǵy ózgeristerine sáıkes Qazaqstan azamattary 2022 jylǵy 1 qyrkúıekten keıin ákelingen sheteldik avtokólikterge mindetti avtosaqtandyrý polısin resimdeı almaıtynyn, sondaı-aq 2022 jylǵy 1 qyrkúıekke deıin ákelingen jáne zańdastyrýdan ótpegen sheteldik esepke alynǵan kólik quraldaryna qoldanystaǵy avtosaqtandyrý polısin uzarta almaıdy.
Ákimshilik quqyq buzýshylyq týraly kodekske sáıkes mindetti avtosaqtandyrý polısinsiz avtokólikti basqarǵany úshin 10 AEK mólsherinde aıyppul qarastyrylǵan.
Atalǵan jaǵdaılarda polısıa qyzmetkerleri avtokólikterdi ustap, olardy arnaıy turaqtarǵa jetkizýge quqyly.