Qazaqstandyq klýbtardyń UEFA Konferensıa lıgasy ekinshi irikteý satysyndaǵy qarsylastary belgili boldy, dep habarlaıdy QazAqparat
Jarystyń atalǵan satysynda shymkenttik «Ordabasy» Polshanyń «Legıa» (Varshava), «Aqtóbe» Grýzıanyń «Torpedo» (Kýtaısı) men «Saraevo» (Bosnıa jáne Gersegovına) jubynyń jeńimpazymen kezdesedi.
Al birinshi irikteý satysynda Fınlándıanyń «Honka» klýbyn jeńgen jaǵdaıda ekinshi irikteý satysynda Shveısarıanyń «Bazel» klýbyna qarsylas bolady.
Sondaı-aq, elordalyq «Astana» UEFA Chempıondar lıgasy birinshi irikteý satysynda Grýzıanyń «Dınamo» (Tbılısı) klýbyna jol bergen jaǵdaıda Konferensıa lıgasy ekinshi irikteý satysyndaǵy qarsylas belgili boldy.
«Astana» mundaı jaǵdaıda Maltanyń «Hamrýn Spartans» (Hamrýn) jáne Izraıldiń «Makkabı» (Haıfa) jubynyń jeńilgen komandasymen kezdesedi.
Bul komandalar da aldymen Chempıondar lıgasy birinshi irikteý satysynda oınaıdy.
Jarystyń ekinshi irikteý satysyndaǵy oıyndar 27 shilde jáne 3 tamyzǵa belgilengen.