Bul sharalar kúnniń ystyǵynda jol jamylǵysyn saqtaýǵa jáne qaýipsiz qozǵalysty qamtamasyz etýge baǵyttalǵan, dep habarlaıdy aqshamnews.kz
«QazAvtoJol» ulttyq kompanıasy jaz mezgilinde respýblıkalyq mańyzy bar avtojoldarda aýyr júk kólikteriniń qozǵalysyna ýaqytsha shekteýler engiziletinin habarlaıdy.
Shekteý merzimi:
- elimizdiń ońtústik jáne batys óńirlerinde 1 maýsymnan 31 tamyzǵa deıin;
- soltústik jáne shyǵys óńirlerinde 1 maýsymnan 15 tamyzǵa deıin.
Shekteýler +25°C joǵary aýa temperatýrasy kezinde, kúndizgi ýaqytta engiziledi.
1 maýsymnan 31 tamyzǵa deıin saǵat 10:00-22:00 aralyǵynda kelesi aımaqtarda qozǵalysqa shekteý qoıylady:
- Almaty oblysy;
- Atyraý oblysy;
- Jambyl oblysy;
- Jetisý oblysy;
- Ulytaý oblysy;
- Qaraǵandy oblysy;
- Qyzylorda oblysy;
- Túrkistan oblysy;
- Mańǵystaý oblysy.
1 maýsymnan 15 tamyzǵa deıin saǵat 11:00-21:00 aralyǵynda kelesi aımaqtarda qozǵalysqa shekteý qoıylady:
- Abaı oblysy;
- Aqmola oblysy;
- Aqtóbe oblysy;
- Shyǵys Qazaqstan oblysy;
- Batys Qazaqstan oblysy;
- Qaraǵandy oblysy;
- Qostanaı oblysy;
- Pavlodar oblysy;
- Soltústik Qazaqstan oblysy.
Shekteýler jol jamylǵysyn qorǵaý maqsatynda engiziledi.
Joǵary temperatýrada asfált jamylǵysy jumsaryp, aýyr júktemege tótep bere almaıdy. Bul jol jabynynyń buzylýyna, oıyqtar men aqaýlardyń paıda bolýyna alyp keledi.
Jazǵy shekteýlerdi saqtaý:
- joldardyń qyzmet etý merzimin uzartady;
- jóndeý shyǵyndaryn azaıtady;
- jol qozǵalysy qaýipsizdigin qamtamasyz etedi.
«QazAvtoJol» ulttyq kompanıasy júk tasymaldaýshylardy belgilengen tártipti saqtaýǵa jáne marshrýttaryn shekteý rejımin eskere otyryp josparlaýǵa shaqyrady.