Almatynyń jańa ákimi Darhan Satybaldy turǵyndarǵa úndeý jasady, - dep habarlaıdy Aqshamnews.kz tilshisi.
Bul týraly ol áleýmettik jelidegi paraqshasynda bólisti.
"Búgin meniń Almatynyń ákimi retindegi alǵashqy jumys kúnim Memleket basshysynyń qabyldaýynan bastaldy.
Prezıdent Qasym-Jomart Kemeluly qalamyzdyń bolashaǵyna qatysty birqatar mańyzdy tapsyrma júktedi. Turaqty ekonomıkalyq ósimge qol jetkizý, qalanyń ınfraqurylymyn keshendi jańǵyrtý, jol-kólik júıesin jaqsartý, ekologıalyq máselelerdi sheshý men ekonomıkany ártaraptandyrý - aldaǵy jumysymyzdyń basty baǵyttary bolmaq.
Qurmetti almatylyqtar!
Almaty - arman men múmkindikter mekeni. Bul shaharǵa shynaıy janashyrlyqpen, tyń serpinmen, naqty ispen qyzmet etý - men úshin úlken mártebe. Bir jaǵadan bas, bir jeńnen qol shyǵaryp, birigip, tize qosyp eńbek etsek, arý qalamyzdy odan ári kórkeıte alamyz. Ásem Almatynyń árbir kóshesi men ár turǵyny úshin naqty ózgerister jasaý, aıanbaı qyzmet etý - bizdiń basty mindetimiz! Keshe aıtylǵan basym baǵyttardy birtindep, kezeń-kezeńimen júıeli túrde júzege asyramyz!" - dedi ol.