Olar múmkindigi shekteýli jandarǵa arnalǵan oryndardy zańsyz satqan jáne poıyzda temeki shekken, dep habarlaıdy aqshamnews.kz kompanıanyń baspasóz qyzmetine silteme jasap.
"Qazaqstan temir joly" kompanıasy Almaty-2 vokzalynda júrgizilgen ishki tekserý nátıjesinde eki jolserikti qyzmetinen bosatty.
Resmı málimetke sáıkes, temirjol salasynda zań buzýshylyqtardyń aldyn alý maqsatynda BAQ pen qoǵam ókilderiniń qatysýymen turaqty túrde baqylaý jáne ishki tergeý jumystary júrgizilýde.
"Almaty-2 vokzalyndaǵy tekserý barysynda múmkindigi shekteýli jandarǵa arnalǵan oryndardyń zańsyz satylǵany jáne poıyz tambýrynda temeki shegý derekteri anyqtaldy. Tergeý qorytyndysy boıynsha eki jolserik jumystan shyǵarylyp, poıyz basshysyna qatań sógis jarıalandy", - delingen kompanıa taratqan resmı habarlamada.
Kompanıa ókilderiniń aıtýynsha, mundaı tekserýler "QTJ"-ǵa tıesili barlyq baǵyttar boıynsha júıeli túrde jalǵasatyn bolady.