Qazaqstanda 1 maýsymdy qosymsha demalys kúni retinde belgileý múmkindigine qatysty Úkimet pikir bildirdi, - dep habarlaıdy Aqshamnews.kz tilshisi.
Eńbek jáne halyqty áleýmettik qorǵaý birinshi vıse-mınıstri Asqarbek Ertaevtyń aıtýynsha, bul másele qazirgi ýaqytta talqylanyp jatyr.
"Búginde Qazaqstanda 10 memlekettik mereke bar. Mundaı kez kelgen usynys memlekettik organdarmen qaralyp, kelisilip otyrady. 1 maýsym boıynsha rasynda da usynys boldy, qazir bul másele memlekettik organdarmen, sarapshylarmen birge talqylanyp jatyr. Nátıjesin sizderge mindetti túrde jetkizemiz. Qyrkúıekke deıin bul talqylaýlar aıaqtalady", – dedi Ertaev úkimettegi brıfıńte.
Sondaı-aq, vıse-premer Ermek Kósherbaevqa elimizde merekeler men demalys kúniniń kóp bolýy ekonomıkalyq jaǵdaıǵa áser etpeı me degen suraq qoıyldy.
"Basqa eldermen, ásirese ekonomıkasy jaqsy damyǵan memlekettermen salystyrǵanda, bizde merekeler kópteý. Bul, árıne, áser etýi múmkin. Biraq óndirisi toqtamaı jumys isteıtin kásiporyndar báribir jumysyn jalǵastyrady. Árıne, mereke kúnderi ondaǵy ákimshilik zańnamaǵa sáıkes qosymsha aqy tóleýi kerek. Al sol kúnderi jumys istegenderge demalys nemese qosymsha eńbek demalysy berilýge tıis", – dep jaýap berdi Kósherbaev.