Otbasy banki "Naýryz" jańa ıpotekalyq baǵdarlamasynyń sharttary týraly málimdedi, dep habarlaıdy Almaty-akshamy.kz.
"Otbasy banki" basqarma tóraǵasynyń orynbasary Nurlan Aqshanovtyń aıtýynsha, baǵdarlamanyń sharttary kelesideı bolady:
áleýmettik osal azamattar úshin jyldyq 7% mólsherleme;
qalǵan sanattaǵy azamattar úshin jyldyq 9% mólsherleme;
20% - bastapqy jarna;
19 jylǵa deıin – nesıeleý merzimi.
"Qazaqstannyń barlyq azamattary, sondaı-aq 18 jastan 63 jasqa deıingi qandastar úmitker bola alady. Biraq, sońǵy bes jyl ishinde sizde jyljymaıtyn múlik nemese menshik quqyǵyndaǵy jyljymaıtyn múlik boıynsha áreketter bolmaý kerek. Sondaı – aq, aldyńǵy "Otaý" baǵdarlamasynan aıyrmashylyǵy, biz depozıt merzimi boıynsha sharttar qoımaımyz, ıaǵnı siz depozıtti 30 Sáýirde ashyp, 1 mln teńgege tolyqtyra alasyz jáne irikteýge qatysa alasyz", - dep atap ótti Nurlan Aqshanov Úkimettegi brıfıńte.
"Naýryz" baǵdarlamasy boıynsha qoljetimdi barlyq jyljymaıtyn múlik "Baspana market" portalynda ornalastyrylady. Birinshi jyly 300 mlrd teńge somasyna 12 myń qaryz jáne odan ári jyl saıyn 8 myń qaryz berý úshin 200 mlrd teńgeden berý josparlanýda.
"Qaryzdar Astana, Almaty, Shymkent qalalarynda jáne oblys ortalyqtarynda bastapqy turǵyn úıge jáne monoqalalar men aýyldyq eldi mekenderde qaıtalama turǵyn úıge beriletin bolady, biraq jylyna bólingen qarajattyń jalpy kóleminiń 30% – dan aspaıdy", - dep naqtylady ónerkásip jáne qurylys mınıstri Qanat Sharlapaev.
Jalpy, baǵdarlama segiz jylǵa sozylady. Bıyl jetkilikti aqsha jınamaǵan nemese 18 jasqa tolmaǵan adamdar bolashaqta baǵdarlamany paıdalanýǵa múmkindik alady.