2023 jyldyń basynan bastap Almatyda oıyn bıznesi salasynda sotqa deıingi 18 is júrgizý tirkelgen. ÓKQ alańynda Almaty qalasy boıynsha Ekonomıkalyq tergeý departamenti ókilderiniń qatysýymen brıfıń ótti.
Almaty qalasy boıynsha Ekonomıkalyq tergeý departamenti basshysynyń orynbasary Sabyrǵalı Balǵalıev kazıno men oıyn avtomattary zaldary Almaty oblysynda (Qapshaǵaı) jáne Aqmola oblysynda (Shýche aýdany) ornalastyrylýǵa jatatynyn atap ótti. Basqa jerlerde olardy ashý zańsyz bolyp tabylady.
«Oıyn bıznesi qoǵamǵa úlken zıan keltiredi. Aýrýlardyń halyqaralyq jiktemeleriniń birinde qumar oıyndarǵa táýeldilik aýyr patologıa retinde tanystyrylǵan jáne pasıenttiń ómir saltyna ústemdik etip, áleýmettik, kásibı jáne materıaldyq qundylyqtar men mindettemelerdi joǵaltýǵa ákeletin jıi jáne únemi qaıtalanatyn qumar oıyndary kezinde kórinedi. «Jeńil» aqshany birden utyp alamyn degen úmitpen adamdar kóbinese kazıno men oıyn avtomattaryna jalaqysy men qolynda barynyń bárin qaldyrady. Jedel-tergeý tájirıbesi kórsetip otyrǵandaı, anyqtalǵan jerasty kazınolary men oıyn mekemelerine negizgi kelýshiler jastar bolyp otyr», - dedi Sabyrǵalı Balǵalıev.
Osyǵan baılanysty qala jastary arasynda lýdomanıanyń aldyn alý úshin Almaty qalasynyń Jastar saıasaty basqarmasymen birlesken josparǵa qol qoıyldy.
Belgilisi, zańsyz oıyn bıznesinen memlekettik búdjetke eshqandaı túsim joq jáne odan bólek, qala turǵyndarynyń qaltalaryn qaǵylyp, ámıandary bos qalady. Aıta ketý kerek, zańsyz oıyn bıznesimen kúres nátıjesi kóbinese turǵyndardyń ózderiniń sanasyna da baılanysty. Halyqtyń qumar oıyndardan bas tartýy qylmyskerlerdi zańsyz tabystarynan aıyrady.
Bir jyl kóleminde «Qumar oıynsyz qala» jáne «Stop oıyn» jedel-profılaktıkalyq is-sharalary uıymdastyryldy.
Almaty qalasy boıynsha Ekonomıkalyq tergeý departamenti 2023 jyldan bastap zańsyz oıyn bıznesin uıymdastyrý derekteri boıynsha - 18 qylmystyq is qozǵalǵan. Qazirgi tańda 14 tulǵaǵa qatysty sot úkimi shyǵyp, olar sottaldy, 3 is sotta qaralýda, Departament óndirisinde - 5 qylmystyq is tergelýde.
- 2023 jyly 4 oıyn zaldary, 1 býkmekerlik keńse (4 býkmekerlik kasa), 5 astyrtyn oıynhana, 1 onlaın-kazıno, 2 derek boıynsha áleýmettik jelilerde qumar oıyndardy uıymdastyrǵandarǵa qatysty qylmystyq ister aıaqtaldy.
- Zańsyz aınalymnan 111 monıtor, 102 prosesor, 1 oıyn termınaly, 6 vıdeo resıver, 900 myń teńgeden asa qarajat jáne 500 AQSH dollary tárkilendi. Sondaı-aq, 1 500 termınal joıylǵan bolatyn.
- Aldyn alý sharalary aıasynda «Kıbernadzor» AJ arqyly onlaın-kazıno belgileri bar kúdikti saıttarǵa 986 silteme buǵattaldy.
- Departament Almaty aýmaǵynda zańsyz oıyn bıznesin uıymdastyrǵan uıymdasqan qylmystyq toptyń qyzmetin toqtatty jáne joıdy.
Sondaı-aq, «Telegram» áleýmettik jelisindegi zańsyz qumar oıyndardy uıymdastyrýshylardyń túrli oıyn avtomattary, slottary, keno, bıngo jáne rýletka bar onlaın kazıno túrindegi qyzmeti toqtatyldy, bul rette sporttyq is-sharalarǵa stavkalar qoıyldy.
Jedel-tergeý is-sharalary barysynda «Tık-Tok» jelisinde zańsyz oıyn bıznesin uıymdastyrý, stavkalardy qabyldaý, banktik aýdarymdar arqyly utystardy esepteý jáne berý fýnksıalaryn qoldaıtyn onlaın qumar oıyndar faktisi anyqtaldy.
«Tergeý barysynda Almaty qalasynyń turǵyndary áleýmettik jelilerde 12,9 mln teńgeden astam somaǵa iri mólsherde kiris ala otyryp, tórt aı boıy zańsyz oıyn bıznesin uıymdastyrǵany dáleldendi», - dedi S.Balǵalıev.
Atalǵan mekeme «Oıyn bıznesi týraly» QR Zańynyń normalaryna qaıshy jumys istedi.
Almatynyń eki turǵyny QR QK 3-tarmaǵynyń 307-babynyń 2-bóliginde qarastyrylǵan qylmys jasaǵany úshin kináli dep tanyldy (zańsyz oıyn bıznesin uıymdastyrý, iri mólsherde tabys tabýmen aldyn ala sóz baılasý boıynsha adamdar toby) jáne 1,6 jylǵa bas bostandyǵyn aıyrýǵa úkim shyǵaryldy.
Budan basqa, zańsyz oıyn bıznesi salasynda osyndaı quqyq buzýshylyqtar uıymdastyrǵan 4 adam sottaldy.
- Profılaktıkalyq is-sharalar sheńberinde bıylǵy jyly saýda núkteleriniń menshik ıelerine 100-den astam habarlama tabys etildi, qalanyń eń krımınogendi bólikterindegi (Naýryzbaı, Alataý, Túrksib aýdandary) úı-jaılardyń jalǵa berýshilerimen túsindirme áńgime júrgizilýde.
- Onyń aıtýynsha, bul iske Almaty turǵyndary da belsendi qatysýda. Departamenttiń senim telefonyna azamattardyń ótinishteri kelip túsýde, solardyń negizinde jedel-tergeý toby dereý reıdtik is-sharalar júrgizedi.
- Memlekettik organnyń ókili zańsyz oıyn bıznesine qarsy is-qımyl jurtshylyqpen birlesken kúsh-jigermen, onyń ishinde profılaktıkalyq is-sharalar júrgizý arqyly kórsetilýi qajet ekenin atap ótti.
Departamentte kásipkerlerdi, qoǵamdyq jáne jastar uıymdarynyń ókilderin, blogerler men BAQ-yn zańsyz oıyn bıznesimen kúreske qosylýǵa shaqyrady. Baılanys ortalyqtaryna 1458 nómiri boıynsha habarlasýǵa bolady.