Jastar arasynda lýdomanıanyń aldyn alý jáne oıyn bıznesine qarsy is-qımyl josparyn Jastar saıasaty basqarmasy Almaty qalasy boıynsha Ekonomıkalyq tergeý departamentimen birlesip jasady. Bul týraly ÓKQ brıfıńinde Jastar saıasaty basqarmasy basshysynyń orynbasary Ázız Qajdenbek málimdedi.
Brıfıńke qatysqan Azız Kajdenbek oıynǵa táýeldilik máselesi óte ózekti ekenin jáne ol áleýmettik saldardyń tutas keshenin týdyrǵanyn atap ótti. Osyǵan baılanysty keshendi jospar qurý qajettiligi anyqtaldy, onyń sheńberinde semınarlar, dárister, dóńgelek ústelder, jármeńkeler, jastar men turǵyndar arasynda túsindirý jumystary men konkýrstar ótkiziledi.
Sonymen qatar, Basqarma áleýmettik memlekettik tapsyrys sheńberinde «Jastar arasynda ınternetke táýeldilik pen qumar oıyndardyń aldyn alý» jobasyn iske asyrýda. 2024 jyly jobaǵa bólingen soma 30 mln teńgeni quraıdy. Búdjettegi ósim aldyńǵy jyldarmen salystyrǵanda 4 esege kóbeıdi.
Jobaǵa kelesi jumys túrleri engizildi:
- joǵary oqý oryndary men kolejderde jastar arasynda ınternetke táýeldilik pen qumar oıyndardyń aldyn alý boıynsha keminde 20 is-shara ótkizý;
- qumar oıyndary bar saıttardy anyqtaý boıynsha onlaın monıtorıń júrgizý, usynystar jibere otyryp, qumar oıyndary bar saıttardyń tizimin jasaý;
- aqparattyq kýrstar men jobalardy iske asyrý, jastardy ınternet-keńistikti qaýipsiz paıdalaný erejelerine oqytý, kıberbýllıngtiń, Internetke táýeldiliktiń jáne qumar oıyndarǵa táýeldiliktiń aldyn alý boıynsha aqparattyq-túsindirý materıaldaryn ázirleý;
- qala jastary arasynda ınflúenser men trendseterler qatarynan qoǵamdyq pikir kóshbasshylarynyń pýlyn qurý.
«Ótken jyldyń 23 tamyzynda aldyn alý kúnine arnalǵan «Internet FreeDay» («Internetsiz kún») onlaın oıyndarynyń tanymal jármeńkesi ótti. Bul is-sharany jyl saıyn ǵalamtorǵa táýeldilikpen kúres jónindegi Álemdik ınternet-qaýymdastyq atap ótedi. İs-shara adamdardy kompúterlerden jáne ǵalamdyq jeliden alshaqtatý maqsatynda uıymdastyryldy», - dedi ÓKQ spıkeri.
Sonymen qatar, aǵymdaǵy jyldyń sáýir aıynda Almaty qalasy máslıhatynyń depýtattarynyń, Almaty qalasy Qoǵamdyq keńesiniń músheleriniń, túrli ÚEU ókilderiniń qatysýymen qoǵamdyq tyńdaýlar ótkizildi. Sondaı-aq, baspasóz konferensıasy uıymdastyryldy.
Basqarmada NEET sanatyna kiretin jastarǵa erekshe nazar aýdarylady. Uzaq merzimdi monıtorıń arqyly jastar jumyssyzdyǵyn tómendetýge baǵyttalǵan qyzmetti jaqsartýǵa ǵana emes, sonymen qatar jeke kózqarasqa, áleýmettenýge jáne ózin-ózi júzege asyrýǵa kómektesýge basa nazar aýdarylady. Atap aıtqanda, jeke jáne toptyq konsýltasıalar aıasynda keńes beretin psıhologtardyń, jattyqtyrýshylardyń jumystary.
2024 jyldyń basynan bastap Almaty qalasynyń birqatar joǵary oqý oryndarynda stýdentter arasynda «Qumar oıyndar - qoǵam derti, «Internetke táýeldilik: paıdasy men zıany» taqyrybynda semınar – trenıńter ótkizilip, 500-ge jýyq adam qamtyldy.
«Bizdiń maqsatymyz – qala jastary úshin qaýipsiz jáne salaýatty bolashaqty qamtamasyz etý ekenin taǵy da atap ótkim keledi. Tek birigý arqyly ǵana biz qaýipsiz bolashaqty qamtamasyz ete alamyz», - dep qorytyndylady Á.Qajdenbek.