1-jeltoqsannan bastap Qazaqstanda shetelden kólik ákelý tártibi ózgeretini týraly jańa erejeler kúshine enedi. Osy ózgeristerge sáıkes, Qazaqstan azamattary tek jylyna bir ret ǵana jańa nemese paıdalanylǵan kólikti jeke paıdalaný maqsatynda kedendik rásimdeýden ótkize alady, dep habarlaıdy aqshamnews.kz.
Bul ózgeris el azamattarynyń kólik satyp alý prosesine áser etýi múmkin, alaıda Premer-Mınıstrdiń birinshi orynbasary Roman Sklárdyń aıtýynsha, bul jańashyldyqtar eshqandaı kúrdeli ózgeristerdi bildirmeıdi.
Memlekettik kirister komıteti taratqan málimet boıynsha, 1 jeltoqsannan bastap Qazaqstan azamattary shetelden kólik ákelgen kezde tehnıkalyq reglamentke sáıkestigi týraly qujatty rásimdeýge mindetti bolady. Alaıda, bul qujatty tek zańdy tulǵalar rásimdeı alatyn bolady. Osylaısha, jeke azamattardyń óz betimen shetelden kólik ákelýi qıyndaýy múmkin.
Qazaqstandyqtarǵa jylyna bir kólik ákelýge ǵana ruqsat beriledi. Eger azamat ekinshi nemese úshinshi avtokólikti bir jyl ishinde ákelýge áreket jasasa, ol kedendik rásimdeýden óte almaıdy. Sebebi, Qarjy mınıstrliginiń buıryǵyna sáıkes, birneshe kólik ákelý kásipkerlik qyzmet retinde esepteledi, jáne ony jeke tulǵalar emes, zańdy tulǵalar rásimdeýi qajet.
Eger azamat kólikti bir jyl ótpeı satsa, onda satýdan túsken aqshadan 10% salyq tóleý qajettigi týyndaıdy. Bul talap Qazaqstanda kólik ákelýdiń jańa sharttaryn retteıdi.
Májilis kýlýarynda jýrnalıser Roman Sklárdan bir jyldan artyq kólik ákelýge nege tyıym salynǵanyn surady. Vıse-premer bul máselege qatysty bylaı dep jaýap berdi: «Eshteńe ózgergen joq. Eger jeke tulǵa birneshe avtokólik satyp alsa, bul kásipkerlik qyzmet bolyp sanalady. Olar JSHS tirkep, kólikterdi ákelip, tıisti sertıfıkat alýy kerek. Al eger bul ózine kólik satyp alatyn jeke tulǵa bolsa, ol kásipkerlik qyzmet emes, sol sebepti ol jeńildetilgen basqa sertıfıkat alady.»
Sonymen, bul ózgerister kólik ákelýdiń jańa sharttaryn engizip, kásipkerlik maqsatta kólik ákelýge zańdy tulǵalardy tartýdy kózdeıdi. Jeke tulǵalar úshin kólik ákelý boıynsha proses jeńildetilgen sertıfıkat negizinde júzege asatyn bolady.