10 qalada qolaısyz meteojaǵdaı qalyptasady
«Qazgıdromet» RMK 1 jeltoqsanda elimiz qalalarynda qalyptasatyn meteorologıalyq ahýal týraly málimet usyndy, dep habarlaıdy Almaty-akshamy.kz
Sınoptıkter málimetinshe, sársenbi kúni 2-dárejeli qolaısyz meteorologıalyq jaǵdaılar (bir nemese birneshe lastaýshy zat konsentrasıasynyń ruqsat etilgen shekti normadan 3-ten joǵary asýy) Nur-Sultan, Almaty, Shymkent, Balqash, Qaraǵandy, Temirtaý, Jezqazǵan, Óskemen, Semeı jáne Rıdder qalalarynda kútiledi.
Ózge shaharlarda meteojaǵdaı norma sheginde bolady.
Qolaısyz meteorologıalyq jaǵdaılar - atmosferalyq aýanyń betki qabatynda zıandy (lastaýshy) zattardyń shoǵyrlanýyna yqpal etetin qysqamerzimdi meteofaktorlardyń (tymyq aýa raıy, jeńil jel, tuman, ınversıa) jıyntyǵy. QMJ jaǵdaıynda eldi mekenderdegi atmosferalyq aýanyń sapasy nasharlaýy yqtımal.