يتاليانىڭ ميلان قالاسىنداعى «سان-سيرو» ستاديونىندا XXV قىسقى وليمپيادا ويىندارىنىڭ سالتاناتتى اشىلۋ ءراسىمى وتەدى. استانا ۋاقىتىمەن اشىلۋ سالتاناتى 23:55-تە باستالىپ، Qazaqstan، Qazsport، «حابار» جانە Jibek Joly تەلەارنالارىنان تىكەلەي ەفيردە كورسەتىلەدى، - دەپ حابارلايدى اqshamnews.kz ءتىلشىسى.
ۇلتتىق قۇرامالار شەرۋى كەزىندە قازاقستاننىڭ مەملەكەتتىك تۋىن دەنيس نيكيشا (شورت-ترەك) جانە اياۋلىم امرەنوۆا (فريستايل-موگۋل) الىپ شىعادى. ايتا كەتەيىك، اشىلۋ ءراسىمى ءبىر مەزەتتە ءتورت لوكاسيادا ۇيىمداستىرىلادى: دەنيس ميلاندا بولسا، اياۋلىم ليۆينوداعى (شاڭعى جارىستارى وتەتىن الاڭ) شاراعا قاتىسادى. سالتاناتتى كەشتىڭ اتاۋى - Armonia («گارمونيا»).
بيىل وليمپيادا الاۋى العاش رەت ەكى جەردە جاعىلادى: ميلانداعى تريۋمف اركاسىندا جانە كورتينا-د’امپەسسوداعى Piazza Di-bona الاڭىندا.
ميلان–كورتينا وليمپياداسىندا قازاقستان اتىنان 36 سپورتشى (18 ەر، 18 ايەل) 10 ديسيپلينادا ب ا ق سىنايدى. جالپى، ويىندارعا 93 ەلدەن شامامەن 3000 اتلەت قاتىسىپ، 16 سپورت ءتۇرى بويىنشا 116 مەدال جيىنتىعى ساراپقا سالىنادى. وليمپيادا 22 اقپاندا اياقتالادى. قازاقستان سپورتشىلارى قاتىساتىن جارىستاردىڭ بارلىعى اتالعان 4 ارنادان تىكەلەي ەفيردە كورسەتىلەدى.