الماتى قالاسى اكىمىنىڭ ورىنباسارى الماسحان سماتلايەۆ وڭىرلىك كوممۋنيكاسيالار قىزمەتىندە وتكەن بريفينگتە «ءبىز – الماتى» كەشەندى اباتتاندىرۋ باعدارلاماسىنىڭ قالاي جۇزەگە اسىپ جاتقانىن باياندادى.
الماسحان سماتلايەۆتىڭ ايتۋىنشا، قالالىق ورتانى اۋقىمدى اباتتاندىرۋ — بۇل ۋاقىتشا عانا جاماپ-جاسقاپ قويا سالاتىن نارسە ەمەس، كوشەنى، قوعامدىق كەڭىستىكتەر مەن ينجەنەرلىك ينفراقۇرىلىمدى قامتيتىن ۇلكەن شارۋا ەكەن.
قالاداعى قانداي وزگەرىستى الساڭىز دا، ءبىر قولايسىزدىقپەن قاتار جۇرەدى ول. ۇزاققا شىدايتىن ساپالى جۇمىس ىستەۋ ءۇشىن كەيدە ۋاقىت كەرەك»، - دەيدى.
«ءبىز – الماتى» باعدارلاماسى ءبىرتۇتاس ءتاسىل قاعيداتىنا نەگىزدەلگەن. ياعني ءبىر اۋماقتا كەڭىستىكتىڭ فۋنكسيونالدىعى، قاۋىپسىزدىگى، ىڭعايلىلىعى مەن كوگالداندىرۋ جاعى قاتار شەشىلەدى. مۇنداي فورمات پايداسىز شەشىم شىعارىپ، ءبىر جەردى قايتا-قايتا جوندەگەننەن اۋلاق بولۋعا مۇمكىندىك بەرەدى.
الماسحان سماتلايەۆ قالا نۇكتەلىك اباتتاندىرۋدان سانالى تۇردە باس تارتىپ، ۇزاق مەرزىمگە ەسەپتەلگەن جۇيەلى شەشىمدەرگە كوشىپ جاتقانىن اتاپ ءوتتى.
«ءبىز بىتىراڭقى جوبالاردان باس تارتتىق. بۇگىندە قالالىق ورتاعا ارنالعان ءبىرىڭعاي ستاندارتتاردى بىردەن ەنگىزگەن قولايلىراق، سوندا جان-جاقتى وزگەرىس بولىپ، ول ۇزاق ۋاقىت جۇمىس ىستەيدى»، - دەيدى اكىمنىڭ ورىنباسارى.
ول بارلىق جوبانى جوسپارلاۋ بارىسىندا كولىك اعىندارى، قۇرىلىس تىعىزدىعى مەن ىرگەلەس اۋداننىڭ تۇرعىندارىنىڭ مۇددەسى دە ەسكەرىلەتىنىن ايتتى. جۇمىستى كەزەڭ-كەزەڭىمەن جۇرگىزىپ، سالالىق باسقارمالار مەن اۋداندىق اكىمدىكتەرۋ ۋاقىتى مەن ساپاسىن قاداعالاپ وتىرادى.
اكىم ورىنباسارى جوبالاردى جۇزەگە اسىرىپ قانا قويماي، ونى تۇرعىندارعا تۇسىنىكتى ءارى ىڭعايلى ەتۋگە بارىن سالىپ جاتقاندارىن اتاپ ءوتتى.
«ءبىر رەتتىك نارسەدەن باس تارتىپ، ءومىردى شىنىمەن جاقسارتاتىن قولايلى قالالىق ورتا قالىپتاستىرۋدى كوزدەپ وتىرمىز»، - دەيدى الماسحان سماتلايەۆ.