قازاقستان قور بيرجاسىنداعى (KASE) كۇندىزگى ساۋدا قورىتىندىسى بويىنشا دوللاردىڭ ورتاشا سارالانعان باعامى 494،63 تەڭگە بولىپ، 0،13 تەڭگەگە تومەندەدى، دەپ حابارلايدى Aqshamnews.kz ءتىلشىسى.
ۇلتتىق بانكتىڭ 6 اقپانعا ارنالعان رەسمي باعامى - 495،10 تەڭگە. ەسكە سالايىق، 4 اقپاندا ساۋدا ناتيجەسىندە دوللار 498،65 تەڭگە بولىپ، ءبىر كۇندە 4،4 تەڭگەگە ارزانداعان ەدى. وسىلايشا، باعام قايتادان نارىقتا ماڭىزدى سانالاتىن 500 تەڭگەلىك “پسيحولوگيالىق مەجەدەن” تومەن ءتۇستى.
Kurs.kz دەرەگىنشە، ءقازىر اقشا ايىرباستاۋ ورىندارىنداعى ورتاشا باعام:
-
الماتىدا: ساتىپ الۋ — 494،81 تگ، ساتۋ — 497،40 تگ؛
-
استانادا: ساتىپ الۋ — 493،97 تگ، ساتۋ — 500،97 تگ.
ايتا كەتەيىك، 23 قاڭتاردا ۇلتتىق بانك بازالىق مولشەرلەمەنى 18% دەڭگەيىندە ساقتاپ قالدى. ۇب ءتوراعاسى تيمۋر سۇلەيمەنوۆتىڭ ايتۋىنشا، بازالىق مولشەرلەمە الداعى التى اي وسى دەڭگەيدە قالۋى مۇمكىن، ال ينفلياسيالىق قىسىم باسەڭدەمەسە، اقشا-نەسيە ساياساتىن ودان ءارى قاتاڭداتۋ دا قاراستىرىلاتىنىن جەتكىزدى.