ق ر پرەمەر-مينيسترىنىڭ ورىنباسارى رومان سكليار اتىراۋ وبلىسى قىزىلقوعا اۋدانىنداعى «تايسويعان» پوليگونىنىڭ ءبىر بولىگىن قازاقستان يەلەگىنە قايتارۋ تۋرالى دەپۋتاتتىق ساۋالعا جاۋاپ بەردى، دەپ حابارلايدى almaty-akshamy.kz قازاقپاراتقا سىلتەمە جاساپ.
«2016 جىلدىڭ 22 اقپانىندا سىناق پوليگوندارىن پايدالانۋ جانە جالداۋ تۋرالى شارت راتيفيكاسيالاندى. شارت بويىنشا رەسەي فەدەراسياسىنىڭ قورعانىس مينيسترلىگى جالعا العان «تايسويعان – №929 مەملەكەتتىك ۇشۋ سىناق ورتالىعى» پوليگونىنىڭ سولتۇستىك بولىگى قايتادان قازاقستاننىڭ يۋريسديكسياسىنا ءوتتى. اتىراۋ وبلىسىنىڭ قىزىلقوعا اۋدانىندا رەسەيلىك اسكەريلەر 749،6 مىڭ گەكتار جەر جەردى جالداۋ شارتىمەن پايدالانىپ كەلگەن»، - دەپ جازدى رومان سكليار ءوز جاۋابىندا.
ونىڭ ايتۋىنشا، اتالعان 624،6 مىڭ گەكتار جەر ( پوليگوننىڭ 83،3% اۋماعى) و باستاعى ۋاعدالاستىق شارتى بويىنشا قايتارىلعان.
«تايسويعان اسكەري پوليگونىنىڭ جەرى قازاقستان اۋماقتىق قۇرامىنا قايتارىلعاننان كەيىن اتىراۋ وبلىسىندا ەكى جىل بويى توپىراق پەن سۋدا ءقاۋىپتى زاتتاردىڭ بولۋىنا زەرتتەۋلەر جۇرگىزىلدى. زەرتتەۋ قورىتىندىسى بويىنشا قايتارىلعان 624،6 مىڭ گەكتار جەردىڭ ەكولوگيالىق ءقاۋىپسىز جانە اۋىل شارۋاشىلىعىن جۇرگىزۋگە جارامدى ەكەنى بەلگىلى بولدى»، - دەپ اتاپ ءوتتى ۆيسە-پرەمەر.
سونداي-اق، ول دەپۋتاتتىق ساۋالعا بەرگەن جاۋابىندا 2022 جىلى اتىراۋ وبلىسىنىڭ الەۋمەتتىك-ەكونوميكالىق دامۋىنىڭ 2021-2025 جىلدارعا ارنالعان كەشەندى جوسپارى اياسىندا تايسويعان كەن ورنىندا جوبالىق-سمەتالىق قۇجاتتاما ازىرلەۋ جانە ىزدەستىرۋ-بارلاۋ جۇمىستارىن جۇرگىزۋ قاراستىرىلعانىن ايتادى.