8 قاراشادان باستاپ اۋستريادا كوروناۆيرۋس ينفەكسياسىنا قارسى شەكتەۋ الدەقايدا كۇشەيتىلدى، دەپ حابارلايدى almaty-akshamy.kz قازاقپاراقا سىلتەمە جاساپ.
كوپتەگەن قوعامدىق ورىن، سونىڭ ىشىندە قوعامدىق تاماقتانۋ ورىندارى، شاشتاراز نەمەسە 25 ادامنان كوپ جينالاتىن شارالارعا ەندى تەك ەكپە سالدىرعان نەمەسە ۆيرۋسقا شالدىعىپ، جازىلىپ شىققاندار عانا كىرە الادى (2G ەرەجەسى).
جۇمىس ورىندارىنا جەتۋ ءۇشىن بۇرىنعىداي ەكسپرەسس تەست ۇسىنۋ جەتكىلىكتى. وتپەلى ءتورت اپتالىق كەزەڭگە 2G ەرەجەسىنە كىرمەيتىندەر رەتىندە پتر-تەست تەرىس قورىتىندىسى بار، قوس ەكپەنىڭ ءبىرىن العانى تۋرالى انىقتاماسى بارلار عانا جىبەرىلەدى.
«جاسىل ءتولقۇجات» ەكىنشى ەكپە العان كۇننەن باستاپ 9 اي بويى عانا قولدانىستا بولادى. ءقازىر اۋستريادا حالىقتىڭ شامامەن 65 پايىزى كوروناۆيرۋس ۆاكسيناسىن تولىق العان.
قازىرگى كەزدە اۋستريادا ۆيرۋس جۇقتىرۋ كورسەتكىشى ورتاشا ەسەپپەن العاندا 599 ادام، ال ءبىرقاتار اۋدانداردا اۋرۋ جۇقتىرۋ 100 مىڭ تۇرعىنعا شاققاندا 900 وقيعاعا شەيىن جەتكەن.
بۇل 100 مىڭ ادامعا شاققاندا 200 جۇقتىرۋ دەڭگەيىندە بولىپ تۇرعان گەرمانياداعى جاعدايدان الدەقايدا جوعارى.