سەنات ءتوراعاسى ماۋلەن اشىمبايەۆ داۋىس بەردى

بۇگىن - ءار قازاقستاندىق ءوز تاڭداۋىن جاسايتىن كۇن.

سەنات ءتوراعاسى استانا قالاسىنداعى №111 سايلاۋ ۋچاسكەسىندە داۋىس بەردى، دەپ حابارلايدى Almaty-akshamy.kz

«بۇگىنگى كۇن ەلىمىز ءۇشىن ماڭىزدى، پرەزيدەنت سايلاۋى ءوتىپ جاتىر. سايلاۋ ەلىمىزدىڭ الداعى دامۋىنىڭ باعىت-باعدارىن ايقىندايدى. ءبىزدىڭ ەلىمىز ءۇشىن سوڭعى جىلدارى وڭاي بولمادى. پاندەميا ەل ەكونوميكاسى مەن حالقىمىزعا اۋىر ءتيدى. كوروناۆيرۋستى ءبارىمىز بىرگە ەڭسەردىك. بيىل الماتىداعى قاڭتار وقيعاسى ءبارىمىزدىڭ قابىرعامىزدى قايىستىردى. ءقازىر الەمدەگى گەوساياسي جاعداي ۋشىعىپ تۇر. دەگەنمەن قيىندىقتارعا قاراماستان، قازاقستان حالقىنىڭ بىرلىگى مىقتى»، - دەدى ماۋلەن اشىمبايەۆ.

سەنات باسشىسىنىڭ ايتۋىنشا، بۇگىن - ءار قازاقستاندىق ءوز تاڭداۋىن جاسايتىن كۇن.

«بيىل ماۋسىمدا رەفەرەندۋم ءوتتى. ونىڭ نەگىزىندە كونستيتۋسيامىزعا ءبىرقاتار وزگەرىس ەنگىزىلدى. اتاپ ايتقاندا، ساياسي وزگەرىستەر سايلاۋعا دا قاتىستى. بۇگىن حالىق 7 جىلعا، ءبىر رەتكە قازاقستان پرەزيدەنتىن سايلايدى. سايلاۋدىڭ ءادىل ءارى اشىق وتۋىنە بارلىق جاعداي جاسالدى. كانديداتتارعا دا تەڭدەي مۇمكىندىك بەرىلدى. داۋىس بەرۋ بارىسىن حالىقارالىق بايقاۋشىلار قاداعالاپ جاتىر. پرەزيدەنت سايلاۋىنىڭ قازاقستان زاڭنامالارى مەن حالىقارالىق ستاندارتتارعا ساي وتەتىنىنە سەنىمدىمىن»، - دەدى سەنات باسشىسى.