رەسپۋبليكا كۇنى قارساڭىندا ناۋرىزباي اۋدانىنىڭ شۇعىلا شاعىناۋدانىندا №202 جاڭا بالاباقشا اشىلدى. مەكەمە 320 بۇلدىرشىنگە ارنالعان، بۇگىندە مۇندا 298 بالا تاربيەلەنىپ جاتىر.
بالاباقشادا ءۇش ەرەسەك، ەكى كىشى، ءۇش ورتا، ءۇش دايارلىق، ءبىر ارالاس جانە ءبىر ارنايى توپ جۇمىس ىستەيدى. جاقىن ۋاقىتتا يننوۆاسيالىق كابينەت اشىلماق. بالالاردىڭ جان-جاقتى دامۋى ءۇشىن مۋزىكا جانە سپورت زالدارى قاراستىرىلعان، سونداي-اق روبوتوتەحنيكا ەلەمەنتتەرى ەنگىزىلىپ جاتىر. اۋلاعا ءقاۋىپسىز جابىندى توسەلگەن 13 ويىن الاڭى بار.
جاڭا بالاباقشانى قوسقاندا ناۋرىزباي اۋدانىندا 6 مەملەكەتتىك جانە 161 جەكەمەنشىك بارلىعى 167 بالاباقشا جۇمىس ىستەپ تۇر، وندا 9 808 بالا تاربيەلەنىپ جاتىر.
قازىرگى ۋاقىتتا اۋداندا تاعى ءۇش بالاباقشا سالىنىپ جاتىر: ەكەۋى – 320 ورىندىق "نۇرلى دالا" تۇرعىن كەشەنىندە جانە قۇرامىس شاعىناۋدانىندا، بىرەۋى – 240 ورىندىق قالقامان شاعىناۋدانىندا.
جاڭا بالاباقشالاردىڭ اشىلۋى – ناۋرىزباي اۋدانىنىڭ كەشەندى دامۋى مەن بۇلدىرشىندەردىڭ ساپالى ءبىلىم الىپ، جايلى ورتادا تاربيەلەنۋىنە باعىتتالعان ماڭىزدى قادام.