ۇلتتىق ۇلاننىڭ الماتى قالاسىنداعى "وڭتۇستىك" وڭىرلىك قولباسشىلىعىندا رەسپۋبليكا كۇنىنە ارنالعان سالتاناتتى ءىس-شارا ءوتتى. وعان بەلگىلى اكتەر، "شەستوي پوست" فيلمىندە باستى ءرولدى سومداعان سانۋرجان سۇلەيمەنوۆ تە شاقىرىلىپتى.
سالتاناتتى ءىس-شارا بارىسىندا بۇل مەرەكە – ەل تاۋەلسىزدىگى مەن مەملەكەتتىلىكتىڭ قالىپتاسۋ جولىنداعى حالىقتىڭ بىرلىگى مەن ىنتىماعىن پاش ەتەتىن ماڭىزدى كۇن ەكەنى اتاپ ءوتىلدى.
– رەسپۋبليكا كۇنى – ەلىمىزدىڭ جاڭا داۋىرگە قادام باسقان تاريحي ءساتىن ايشىقتايتىن ەرەكشە مەرەكە. اسكەري قىزمەتشىلەردىڭ مىندەتى – وسى تاۋەلسىزدىكتىڭ، تىنىشتىق پەن تۇراقتىلىقتىڭ كەپىلى بولۋ. ءبىز وسى بورىشىمىزدى ابىرويمەن اتقارۋعا ءارقاشان دايىنبىز، – دەدى "وڭتۇستىك" وڭىرلىك قولباسشىلىعىنىڭ قولباسشىسى گەنەرال-مايور تالاپكەر امىرەيەۆ.
مەرەكە اياسىندا قىزمەتتىك بورىشىن ادال اتقارىپ جۇرگەن اسكەري قىزمەتشىلەر مەن قولباسشىلىقتىڭ قوناقتارى ماراپاتتالدى. سونىڭ ىشىندە اكتەر سانۋرجان سۇلەيمەنوۆ تە ق ر ءىىم ورىنباسارى – ۇلتتىق ۇلان باس قولباسشىسىنىڭ بۇيرىعىمەن "قوعامدىق ءتارتىپتى ساقتاعانى ءۇشىن" ءتوس بەلگىسىمەن ماراپاتتالدى. ونەر يەسى وزىنە كورسەتىلگەن قۇرمەت ءۇشىن العىس ايتىپ، "شەستوي پوست" ءفيلمىنىڭ ءتۇسىرىلىمى كەزىندە اسكەري ءومىردىڭ جاۋاپكەرشىلىگى مەن ەرلىكتىڭ ءمانىن تەرەڭ تۇسىنگەنىن تىلگە تيەك ەتتى.
– اسكەريلەردىڭ ەڭبەگى – كورىنبەي جاسالاتىن، ءبىراق ەلدىڭ تىنىشتىعى ءۇشىن شەشۋشى ءرول اتقاراتىن قىزمەت. سول ەڭبەكتى باعالاۋ – ءار ازاماتتىڭ بورىشى. ەل تىنىشتىعىن ساقتاپ جۇرگەن ءار ساربازعا العىس شەكسىز، – دەدى س.سۇلەيمەنوۆ.
سالتاناتتى ءىس-شارا بارىسىندا رەسپۋبليكا كۇنىنە ارنالعان دەرەكتى فيلم كورسەتىلدى. وندا ەل تاۋەلسىزدىگىنىڭ قالىپتاسۋى، مەملەكەتتىك رامىزدەردىڭ قابىلدانۋى جانە قازاق اسكەرىنىڭ دامۋ تاريحى باياندالدى.